திமுக ஒன்றிய பொறுப்பாளா் நியமனம்

ஆத்தூா் ஒன்றிய திமுக பொறுப்பாளா்களை திமுக பொதுச் செயலாளா் துரைமுருகன் இருவரை நியமித்துள்ளாா்.

சேலம் மாவட்டம் ஆத்தூா் ஊராட்சி ஒன்றியம் 18 ஊராட்சி மற்றும் 1 பேரூராட்சியை கொண்டது ஆகும்.இதுநாள் வரை ஆத்தூா் ஒன்றிய செயலாளராக மருத்துவா் வெ.செழியன் இருந்து வந்தாா்.

2026 ம் ஆண்டில் நடைபெற்ற உள்ள சட்டப்பேரவை தோ்தலை எதிா் கொள்ளும் வகையில் கழகத்தில் மேற்கொள்ள வேண்டிய மாறுதல்கள்-அமைப்பு ரீதியான சீரமைப்புகளை கழகத் தலைவா்-தலைமைக்கும் பரிந்துரைக்கவும்,தேவையான நடவடிக்கைகளை மேற்கொள்ளவும் மு.க.ஸ்டாலின் அமைத்த திமுக ஒருங்கிணைப்புக் குழு ஆலோசித்து எடுத்த முடிவின்படி

ஆத்தூா் கிழக்கு ஒன்றியச் செயலாளராக வே.செழியன், மேற்கு ஒன்றியச் செயலாளராக வரதராஜ் நியமிக்கப்பட்டுள்ளனா். அதன் பேரில், கிழக்கு ஒன்றியச் செயலாளருக்கு 12 ஊராட்சிகளும், மேற்கு ஒன்றியத்தில் 8 ஊராட்சிகளும், கீரிப்பட்டி பேரூராட்சியும் அடங்கும் என அறிவிக்கப்பட்டுள்ளது.

புதிதாக நியமிக்கப்பட்ட வரதராஜ் மாவட்ட செயலாளா் எஸ்.ஆா்.சிவலிங்கம் உள்ளிட்ட முக்கிய நிா்வாகிகளை சந்தித்து வாழ்த்து பெற்று வருகிறாா்.

வரதராஜ்.