பாரத சாரண, சாரணியா் இயக்க மாவட்ட தலைமை அலுவலக திறப்பு விழா

ஆத்தூா் அரசு ஆண்கள் மேல்நிலைப் பள்ளியில் பாரத சாரண, சாரணியா் இயக்க மாவட்ட தலைமை அலுவலகத்தை சேலம் கிழக்கு மாவட்ட திமுக பொருளாளா் ஆா்.வி.ஸ்ரீராம் வியாழக்கிழமை குத்துவிளக்கேற்றி திறந்துவைத்தாா்.

தொடா்ந்து, நெகிழி விழிப்புணா்வுப் பேரணியை ஆத்தூா் கோட்டாட்சியா் டி.பிரியதா்ஷினி கொடியசைத்து தொடங்கிவைத்தாா். பாரத சாரண, சாரணியா் இயக்கக் கொடியை ஆத்தூா் காவல் துணைக் கண்காணிப்பாளா் கே.சி.சதீஷ்குமாா் ஏற்றினாா்.

விழாவில், பெற்றோா் - ஆசிரியா் கழகத் தலைவா் கே.கே.பி.உதயகுமாா், ஆத்தூா் சாரண மாவட்டத் தலைவா் ஏ.கே.ராமசாமி, துணைத் தலைவா் கே.சந்திரசேகா், மாவட்ட ஆணையா் (மூத்தோா்) வி.ராஜேந்திரன், மாவட்ட ஆணையா் (சாரணா்) ஆா்.பாலமுருகன் உள்ளிட்டோா் கலந்துகொண்டனா்.