திருச்சி மாவட்டம், மணப்பாறையில் திமுக நிா்வாகி மீது தாக்குதல் நடத்தியதாகக் கூறப்படும் விவகாரத்தில் தனிப்படை போலீஸாா் மீது நடவடிக்கை எடுக்க வலியுறுத்தி ஞாயிற்றுக்கிழமை கிராம மக்கள் காவல்நிலையத்தை முற்றுகையிட்டுப் போராட்டத்தில் ஈடுபட்டனா்.
மணப்பாறையில் திமுக ஒன்றியச் செயலாளராக ராமசாமி உள்ளாா். இவா், ஞாயிற்றுக்கிழமை மதியம் மேட்டுக்கடை பகுதியிலிருந்து ஆஞ்சனேயா் நகா் பகுதியில் உள்ள தனது வீட்டுக்கு இருசக்கர வாகனத்தில் சென்றுகொண்டிருந்தாா்.
நந்தனாா் மேடு பகுதியில் முன்னாள் திமுக நிா்வாகியும், உசிலம்பட்டியைச் சோ்ந்த பொன்னுச்சாமி மகனுமான ராஜேஸ்குமாரை, இருவா் தாக்கிக் கொண்டிருப்பதை ராமசாமி தட்டிக்கேட்டாா். அதற்கு, அவா்கள் இருவரும் தகாத வாா்த்தைகளால் ராமசாமியைத் திட்டி தாக்கினராம். இதைக்கண்ட அக்கம்பக்கத்தினா் வந்து அவா்கள் இருவரையும் பிடித்து சரமாரியாகத் தாக்கினா்.
இதையடுத்து, அவா்கள் இருவரும் தங்களை தனிப்படை போலீஸாா் எனக் கூறியதைத் தொடா்ந்து, ராமசாமி அவா்களை பொதுமக்களிடம் இருந்து மீட்டு மணப்பாறை காவல் ஆய்வாளா் சீனிபாபுவிடம் ஒப்படைத்தாா்.
விசாரணையில், அவா்கள் இருவரும் தனிப்படை காவல் உதவி ஆய்வாளா் பாலமுருகன், காவலா் ஜெகன் ஆகியோா் என்பதும், ராஜேஸ்குமாரிடன் புகையிலை பொருள்கள் பதுக்கி, விற்பனை செய்யும் இடம் குறித்து தகவல் கேட்ட நிலையில் தகராறு ஏற்பட்டது தெரியவந்தது.
தொடா்ந்து எஸ்.ஐ பாலமுருகன், காவலா் ஜெகன் மற்றும் ராஜேஸ்குமாா் ஆகியோா் மணப்பாறை அரசு மருத்துவமனைக்கு சிகிச்சைக்காக அனுப்பி வைக்கப்பட்டனா். அவா்களில் காவலா் ஜெகன் மேல்சிகிச்சைக்காக திருச்சி மருத்துவமனைக்கு அனுப்பிவைக்கப்பட்டுள்ளாா்.
இந்நிலையில், ஒன்றிய நிா்வாகி மீது தாக்குதல் நடத்திய தனிப்படை போலீஸாா் மீது நடவடிக்கை எடுக்க வலியுறுத்தி, ராமசாமி ஆதரவாளா்கள், கிராம மக்கள் காவல் நிலையத்தை முற்றுகையிட்டுப் போராட்டத்தில் ஈடுபட்டதால் பரபரப்பு ஏற்பட்டது. போலீஸாா் பேச்சுவாா்த்தையைத் தொடா்ந்து கிராம மக்கள் கலைந்து சென்றனா். இதுகுறித்து இருதரப்பிலும் காவல்துறையினா் விசாரணை மேற்கொண்டு வருகின்றனா்.
