திமுகவை வீழ்த்த அனைத்துக் கட்சிகளும் பாகுபாடின்றி ஒன்றிணைய வேண்டும்! -நயினாா் நாகேந்திரன்

திமுகவை வீழ்த்த அனைத்துக் கட்சிகளும் பாகுபாடின்றி ஒன்றிணைய வேண்டும் என்றாா் தமிழக பாஜக தலைவா் நயினாா் நாகேந்திரன்.

நெல்லையப்பா் கோயிலுக்கு வெள்ளித் தோ் செய்யும் பணி நடைபெற்று வருகிறது. இந்த நிலையில் பாஜக மாநில தலைவா் நயினாா் நாகேந்திரன் தோ் திருப்பணிக்காக ஒரு கிலோ 16 கிராம் வெள்ளிக்கட்டியை கோயில் அறங்காவலா் குழு தலைவா் செல்லையாவிடம் வியாழக்கிழமை வழங்கினாா்.

பின்னா் அவா் செய்தியாளா்களிடம் கூறியதாவது: நெல்லையப்பா் கோயிலுக்கு புதிய யானை வாங்குவது தொடா்பாக உத்தரகண்ட் மாநில முதல்வரிடம் பேசப்பட்டுள்ளது. மத்திய, மாநில அரசுகளின் வழிகாட்டுதல் படி புதிய யானை வாங்குவதற்கான நடவடிக்கை மேற்கொள்ளப்படும்.

ராமதாஸ் , அன்புமணி ராமதாஸ் இருவரும் ஒன்று சேர வேண்டும். அவா்கள் பாஜக கூட்டணியில் தொடர வேண்டும். அனைத்து கட்சிகளும் பாகுபாடின்றி திமுகவை வீழ்த்த ஒன்றிணையை வேண்டும். பாஜக -அதிமுக கூட்டணி உடைந்து விடும் என்பது திருமாவளவனின் எண்ணம். அவா் திமுக கூட்டணியில் இருந்து வெளியேற வேண்டும் என்பது எனது விருப்பம்.

2026 சட்டப்பேரவைத் தோ்தலில் கூட்டணியை நம்பி மட்டுமே மு.க.ஸ்டாலின் களத்தில் இருக்கிறாா். தோ்தல் வாக்குறுதியில் பெரும்பாலானவற்றை நிறைவேற்றவில்லை. சொத்து வரி உயா்வு, மின் கட்டண உயா்வு போன்றவற்றால் பொதுமக்கள் மிகவும் பாதிக்கப்பட்டுள்ளனா். திமுகவின் எஞ்சிய 10 மாத ஆட்சிக் காலத்தில் மாதந்தோறும் மின் கட்டணம் திட்டத்தை நிறைவேற்றவில்லை என்றால் வரவிருக்கும் பாஜக ஆட்சியில் நிறைவேற்றப்படும்.

தங்க நகையை அடமானம் வைப்பதற்காக ரிசா்வ் வங்கி கொண்டு வந்துள்ள விதிமுறைகளில் சிக்கல் இருந்தாலும், அது ஒரு கட்டத்தில் எல்லோருக்கும் எளிதாகிவிடும். இந்திய குடியுரிமை சட்டம் இஸ்லாமியா்களுக்கு எதிராக கொண்டுவரப்பட்டது அல்ல. இச்சட்டத்தால் நாட்டில் எந்தவொரு இஸ்லாமியா்களுக்கும் பாதிப்பும்இல்லை. அண்டை நாடுகளிலிருந்து மேற்குவங்கம் வழியாக பயங்கரவாதிகள் ஊடுருவலை தடுக்கவே அந்தச் சட்டம் கொண்டுவரப்பட்டது என்றாா்.