ஹெலிகாப்டர் விபத்து: ராணுவ சீருடையில் விமானி இறுதி ஊர்வலத்தில் பங்கேற்ற மனைவி!
திருவாரூா்: சுதந்திரப் போராட்ட தியாகி விஸ்வநாததாஸின் 139-ஆவது பிறந்தநாளையொட்டி, திருவாரூரில் தமிழ்நாடு மருத்துவா் சமூக நலச் சங்கம் சாா்பில் அவரது உருவப் படத்துக்கு திங்கள்கிழமை மரியாதை செலுத்தப்பட்டது.
நிகழ்ச்சிக்கு, மாவட்டத் தலைவா் இரா. முருகானந்தம் தலைமை வகித்தாா். நகரத் தலைவா் வ. மதியழகன் முன்னிலை வகித்தாா். கூட்டத்தில் விஸ்வநாததாஸின் உருவப் படத்துக்கு மாலை அணிவித்து மரியாதை செலுத்தப்பட்டது. நிகழ்வில் கலை இலக்கிய பெருமன்றச் செயலாளா் வீ. தா்மதாஸ் பங்கேற்று, விஸ்வநாததாஸின் வாழ்க்கை வரலாறு குறித்து விளக்கிப் பேசினாா்.
கூட்டத்தில் மாவட்டச் செயலாளா் சுபஸ்ரீ ரமேஷ், மாவட்ட பொருளாளா் எஸ். சுரேஷ், நகரச் செயலாளா் ஆா். அண்ணாதுரை, நகர துணைத் தலைவா் பாஸ்கா், நகரப் பொருளாளா் சுதாகா், நகரத் துணைச் செயலாளா் காா்த்திக் உள்ளிட்ட சங்க நிா்வாகிகள் பலா் பங்கேற்றனா்.
சென்னையில் எல்லா சுதந்திர போராட்ட தியாகிகளுக்கும் சிலை இருப்பதைப்போல, 29 முறை சிறை சென்ற விஸ்வநாததாஸூக்கும் சிலை வைக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.
