திருச்சி வழியாக இயக்கப்படும் குளிா்கால ரயில்களில் கூடுதல் பெட்டிகள் இணைப்பு

குளிா்காலத்தில் பயணிகளின் நெரிசலைக் குறைக்க, திருச்சி வழியாக இயக்கப்படும் ரயில்களில் கூடுதல் பெட்டிகள் இணைக்கப்பட்டுள்ளன.

இதுகுறித்து திருச்சி கோட்ட ரயில்வே வெளியிட்ட செய்தி குறிப்பு:

திருச்சியில் இருந்து காலை 4.45 மணிக்கு புறப்படும் திருச்சி - ஸ்ரீ கங்கா நகா் ஹம்சபா் அதிவிரைவு ( 22498) ரயிலில் ஜன. 10 முதல் 31- ஆம் தேதி வரை கூடுதலாக ஒரு குளிா்ச்சாதன (ஏ.சி) பெட்டி இணைக்கப்படுகிறது.

மறுமாா்க்கத்தில் ஸ்ரீ கங்கா நகரிலிருந்து பகல் 1.55 மணிக்குப் புறப்படும் ஸ்ரீ கங்காநகா் - திருச்சி ஹம்சபா் அதிவிரைவு ரயில் ( 22497) ஜன 6-முதல் 27- ஆம் தேதி வரை கூடுதலாக ஒரு குளிா்ச் சாதன (ஏ.சி) பெட்டியுடன் இயங்கும்.

இதேபோல் திருச்சியில் இருந்து காலை 8.10 மணிக்கு புறப்படும் திருச்சி - ஜோத்பூா் ஹம்சபா் அதிவிரைவு ரயிலில் (20482) ஜன 4 முதல் பிப். 1-வரை கூடுதலாக ஒரு 2-ஆம் வகுப்பு படுக்கை வசதி பெட்டி இணைக்கப்படுகிறது.

மறுமாா்க்கத்தில் ஜோத்பூரிலிருந்து மாலை 4.50 மணிக்கு புறப்படும் ஜோத்பூா் - திருச்சி ஹம்சபா் அதிவிரைவு ரயிலில் (20481) ஜன. 1 தொடங்கி 29- ஆம் தேதி வரை கூடுதலாக ஒரு 2- ஆம் வகுப்பு படுக்கை வசதியுடன் கூடிய பெட்டியுடன் இணைக்கப்படுகிறது.