திருநங்கையருக்கான முன்மாதிரி விருதுக்கு விண்ணப்பிக்கலாம்

திருநங்கையருக்கான முன்மாதிரி விருதுக்கு விண்ணப்பிக்கலாம் என திருப்பத்தூா் ஆட்சியா் க.தா்ப்பகராஜ் தெரிவித்துள்ளாா்.

இது தொடா்பாக அவா் வெளியிட்ட செய்திக் குறிப்பு:

திருநங்கையா் தினமான ஏப்ரல் 15-ஆம் தேதி தமிழக அரசால் திருநங்கையருக்கான முன்மாதிரி விருது (ரூ. 1 லட்சத்துக்கான காசோலை, பாராட்டு சான்றிதழ்) வழங்கப்படுகிறது.

இதற்கு திருநங்கைகள் அரசு உதவி பெறாமல் தானாக வாழ்க்கையில் முன்னேறி இருக்க வேண்டும். குறைந்தது 5 திருநங்கைகளுக்காவது அவா்கள் வாழ்க்கையில் முன்னேற உதவி செய்து இருக்க வேண்டும், திருநங்கைகள் நலவாரியத்தில் உறுப்பினராக இருக்கக் கூடாது.

இதனுடன் பாஸ்போா்ட் அளவு புகைப்படம்-2,விண்ணப்பிக்கும் நபா் பற்றிய விவரம் (ஒரு பக்க அளவில்), விருது பெற்றிருப்பின் அதன் விவரம் (விருதின் பெயா், யாரிடமிருந்து பெறப்பட்டது மற்றும் பெற்ற வருடம்), சேவை பற்றிய செயல்முறை விளக்கம் (புகைப்படத்துடன்), சேவையாற்றியதற்கான விரிவான அறிக்கை, சமூக சேவையாளரின் / சமூக சேவை நிறுவனத்தின் சேவை மூலமாக பயனாளிகள் பயனடைந்த விவரம், சமூகப் பணியாளா் இருப்பிடத்தின் அருகில் உள்ள காவல் நிலையத்தில் இருந்து பெறப்பட்ட குற்றவியல் நடவடிக்கைகள் எதும் இல்லை என்பதற்கான சான்று உள்ளிட்டவை தமிழில் அச்சு செய்யப்பட்டு, தலா 2 நகல்கள் உள்ளிட்டவற்றுடன் ட்ற்ற்ல்//ஹஜ்ஹழ்க்ள்.ற்ய்.ஞ்ா்ஸ்.ண்ய் என்ற இணையதளத்தில் வருகிற 10-ஆம் தேதிக்குள் விண்ணப்பிக்க வேண்டும்.

அவ்வாறு விண்ணப்பித்தவா்கள் அதன் விவரங்களை 2 கையேடுகளுடன் மாவட்ட ஆட்சியா் அலுவலகத்தில்,முதல் தளம்,பி-பிளாகில் உள்ள மாவட்ட சமூகநல அலுவலகத்தில் சமா்ப்பிக்க வேண்டும் என அதில் தெரிவிக்கப்பட்டுள்ளது.