திருமலை பிரம்மோற்சவ கருடசேவை: திரளானோா் தரிசனம்

திருமலையில், ஏழுமலையான் பிரம்மோற்சவத்தின், 5-ஆம் நாளான ஞாயிற்றுக்கிழமை காலை மோகினி அவதாரத்தில் மலையப்ப சுவாமி சேவை சாதித்தாா். இரவு நடைபெற் கருடசேவையில் திரளான பக்தா்கள் தரிசனம் செய்தனா்.

கடந்த புதன்கிழமை முதல் பிரம்மோற்சவம் தொடங்கி நடைபெற்று வருகிறது. 5-ஆம் நாளான ஞாயிற்றுக்கிழமை காலை மோகினி அவதார சேவை நடை பெற்றது. அதில் மலையப்ப சுவாமி தாயாரின் அலங்காரத்தில் மாடவீதியில் வலம் வந்தாா்.

ஸ்ரீவில்லிப்புத்தூா் ஆண்டாள் சூடிக்கொடுத்த மாலையை அணிந்து கொண்டு பச்சை கிளிகளை கையில் பிடித்துக் கொண்டு வலம் வந்த சுவாமிக்கு பக்தா்கள் கற்பூர ஆரத்தி அளித்து வணங்கினா்.

பிரம்மோற்சவ நாட்களில் வீதியுலா முடிந்த பின்னா் ஸ்ரீதேவி பூதேவி சமேத மலையப்பஸ்வாமிக்கு கல்யாண உற்சவ மண்டபத்தில் தங்க சிம்மாசனத்தில் அமர வைத்து அவா்களுக்கு பால், தயிா், தேன். இளநீா், மஞ்சள், சந்தனம், சிவப்பு சந்தனம் மற்றும் மூலிகை கலந்த வெந்நீரால் திருமஞ்சனம் நடைபெற்றது. அபிஷேகத்தின் போது பல்வேறு உலா் பழங்கள் மற்றும் வெளி நாட்டு மலா்களால் தயாரிக்கப்பட்ட மாலைகள் மற்றும் கீரிடங்கள் உள்ளிட்டவை உற்சவமூா்த்திகளுக்கு அணிவிக்கப்பட்டது. பின்னா் உற்சவமூா்த்திகள் மாலை 1008 விளக்குகளுக்கிடையில் ஊஞ்சல்சேவை கண்டருளினா்.

கருட சேவை

ஞாயிற்றுக்கிழமை இரவு கருட சேவை நடைபெற்றது. கருட வாகனத்தில் சுவாமி எழுந்தருளி பக்தா்களுக்கு அருள்பாலித்தாா்.

கருட வாகனத்தில் கோடிகணக்கான மதிப்புள்ள வைர வை டூரிய, நவரத்தின ஆபரணங்கள்,1,008 தங்க காசுமாலை , லட்சுமி ஆரம், மகரகண்டி, வைர கீரிடம் என அணிந்து கொ ண்டு சென்னை இந்து தா்மாா்த்த சமிதியினா் வழங்கிய வெண்பட்டு திருக்குடைகளின் கீழ் வலம் வந்தாா்.

இரவு 7 மணிக்கு தொடங்கிய கருட வாகன சேவை நள்ளிரவு 1 மணிவரை மாடவீதியில் மிக மெதுவாக பக்தா்கள் அனைவரும் மனம்

குளிர காணும்படி பவனி வந்தது. வாகன சேவையின் போது ஜீயா்கள் குழாம் நாலாயிர திவ்ய பிரபந்தகளை பாடியபடி முன்செல்ல, கலைக்குழுவினா் புராண இதிகாச காட்சிகளை உணா்த்தும் வகையில் கலை நிகழ்ச்சிகளை ஆடல் பாடல் வடிவில் நடத்தியபடி பின் சென்றனா். இதில் தேவஸ்தான அதிகாரிகள் கலந்து கொண்டனா்.

திருமலையில் பக்தா்கள் கூட்டம் அலைமோதிய நிலையில், சனிக்கிழமை இரவு 9 மணிமுதல் மாடவீதியில் படிக்கெட்டுகளில் கருட சேவையை காண பக்தா்கள் அமர தொடங்கினா்.அவா்களுக்கு தேவஸ்தானம் 24 மணிநேரமும் உணவு, சிற்றுண்டி, பால், மோா், காபி, டீ என வழங்கியது. இதற்காக 3000 ஸ்ரீவாரி சேவாா்த்திகள் ஈடுபடுத்தப்பட்டனா். பக்தா்களின் பாதுகாப்பிற்காக 2,000 போலீஸாா் ஈடுபடுத்தப்பட்டனா்.

4-ஆம் நாள் விவரம்

• 75,004 பக்தா்கள் தரிசனம், 26,765 போ் முடிகாணிக்கை.

• 1.96 பக்தா்களுக்கு அன்னதானம்.

• 4.2 லட்சம் லட்டுகள் விற்பனை.

• 67.56 லட்சம் காலன் நீா் பயன்பாடு.

• 5,834 பேருக்கு சிகிச்சை.

• 4,580 சேவாா்த்திகள் பங்கேற்பு.

• அரசு பேருந்துகளில் 89,000 போ் பயணம்.