திருமலைராயன்பட்டினத்தில் மாா்ச் 13-இல் சுவாமிகள் சமுத்திர தீா்த்தவாரி

காரைக்கால்: திருமலைராயன்பட்டினம் கடற்கரையில் திருக்கண்ணபுரம் செளரிராஜ பெருமாள் உள்ளிட்ட பெருமாள்கள் தீா்த்தவாரி நிகழ்ச்சி வரும் 13-ஆம் தேதி நடைபெறுகிறது.

திருமலைராயன்பட்டினத்தில் ஒவ்வொரு ஆண்டும் நடத்தப்படும் மாசி மக திருவிழாவில், பல்வேறு கோயில்களில் இருந்து பெருமாள் ஒருங்கிணைந்து சமுத்திர தீா்த்தவாரி நடைபெறுவது வழக்கம்.

திருக்கண்ணபுரம் செளரிராஜ பெருமாள், திருமலைராயன்பட்டினம் வெள்ளை மண்டபத்துக்கு 13-ஆம் தேதி பகல் 12 மணயளவில் எழுந்தருளி, தங்க கருட வாகனத்தில், பவழக்கால் சப்பரத்தில் கடற்கரைக்கு புறப்படவுள்ளாா்.

திருக்கண்ணபுரம் பெருமாளை தேசிய நெடுஞ்சாலையில் திருமலைராயன்பட்டினம் ஸ்ரீ வீழி வரதராஜ பெருமாள் எதிா்கொண்டு அழைக்கும் நிகழ்ச்சி நடைபெறுகிறது. இதைத்தொடா்ந்து திருமலைராயன்பட்டினம் ஸ்ரீ பிரசன்ன வெங்கடேச பெருமாள், ஸ்ரீ ரகுநாத பெருமாள், நிரவி ஸ்ரீ கரியமாணிக்க பெருமாள், திருமருகல் ஸ்ரீ வரதராஜ பெருமாள், கோயில்பத்து ஸ்ரீ கோதண்சராமா் பெருமாள் ஆகியவை பல்லக்கில் திருமலைராயன்பட்டினம் பகுதி பட்டினச்சேரி கடற்கரைக்கு எழுந்தருளி, திரண்டிருக்கும் பக்தா்களிடையே கடலில் இறங்கி தீா்த்தவாரி நடைபெறவுள்ளது.

இந்த நிகழ்வையொட்டி காரைக்கால் மாவட்ட நிா்வாகம், காவல்துறை நிா்வாகம் சாா்பில் பல்வேறு முன்னேற்பாடுகள் செய்யப்பட்டுள்ளன.