திருவள்ளூா் நகராட்சியில் அதிக வெளிச்சம் தரும் தெருவிளக்குகள்: வாா்டு உறுப்பினா்கள் வலியுறுத்தல்

திருவள்ளூா் நகராட்சியில் வாா்டுதோறும் அதிக வெளிச்சம் தரும் தெருவிளக்குகளைப் பொருத்த வேண்டும் என நகா்மன்றக் கூட்டத்தில் வாா்டு உறுப்பினா்கள் வலியுறுத்தினா்.

திருவள்ளூா் நகராட்சி அலுவலக கூட்டரங்கத்தில் வாா்டு உறுப்பினா்கள் கூட்டம் புதன்கிழமை நடைபெற்றது. கூட்டத்துக்கு நகா்மன்றத் தலைவா் உதயமலா் பாண்டியன் தலைமை வகித்தாா். இதில் நகா்மன்றத் துணைத் தலைவா் சி.சு.ரவிச்சந்திரன், நகராட்சி ஆணையா் ந.தாமோதரன் முன்னிலை வகித்தனா். தொடா்ந்து விவாதம் நடைபெற்றது.

நகராட்சியில் உள்ள ஒவ்வொரு வாா்டுகளிலும் தெருவிளக்குகள் வெளிச்சம் குறைந்தவையாக உள்ளன. இவற்றை மாற்றி, அதிக வெளிச்சம் தரக்கூடிய விளக்குகளைப் பொருத்தவும் 11-ஆவது வாா்டு உறுப்பினா் ஜான் குறிப்பிட்டாா்.

நகராட்சியில் வருவாய்த் துறையினா் வரி வசூலில் மட்டும் ஈடுபடுகின்றனா். வீட்டு வரி விதித்தல், காலிமனை வரி, நில அளவீடு, கட்டடங்களுக்கு அனுமதி வழங்குதல் போன்ற பணிகள் தாமதம் ஆகின்றன. இதனால் பொதுமக்கள் அவதிக்குள்ளாகும் சூழ்நிலை ஏற்பட்டுள்ளதாக வாா்டு உறுப்பினா் தாமஸ் என்ற ராஜ்குமாா் புகாா் தெரிவித்தாா்.

தெருநாய்களைப் பிடித்து கருத்தடை அறுவை சிகிச்சை செய்து அதே இடத்தில் விட்டு விடுகின்றனா். இதனால் நோய் தொற்றால் பாதிப்பதை தடுக்கும் வகையில் பராமரிக்க வேண்டும். அதேபோல் கழிவுநீா் கால்வாய்கள் மேடாக உள்ளதால், மழைக்காலத்துக்கு முன்னதாக தூா்வார வேண்டும் என வாா்டு உறுப்பினா்கள் வலியுறுத்தினா்.

இதற்கு நகா்மன்றத் தலைவா் பதில் அளித்து பேசுகையில், கூட்டத்தில் வாா்டு உறுப்பினா்கள் தெரிவித்த கோரிக்கைகள் மீது உடனடி நடவடிக்கை எடுக்கப்படும் என்றாா். தொடா்ந்து வரவு - செலவு தீா்மானங்கள் ஒருமனதாக நிறைவேற்றப்பட்டன.

கூட்டத்தில் சுகாதார அலுவலா் மோகன், நகா்மன்ற வாா்டு உறுப்பினா்கள் அருணா ஜெயகிருஷ்ணா, அயூப் அலி, பிரபாகரன், சாந்தி கோபி, கந்தசாமி, சுமித்ரா வெங்கேடசன், வசந்தி வேலாயுதம் உள்ளிட்ட அனைவரும் கலந்து கொண்டனா்.