சென்னை துறைமுகத்தில் ரூ. 234 மதிப்புள்ள தடை செய்யப்பட்ட பொருள்களை சுங்கத் துறை அதிகாரிகள் பறிமுதல் செய்துள்ளனா்.
சென்னை துறைமுகத்துக்கு உரிய சான்று இல்லாமலும், இந்தியாவில் தடைசெய்யப்பட்ட வெளிநாட்டு பொம்மைகள், இ- சிகிரெட், ட்ரோன்கள், வாக்கி டாக்கிகள், காலணிகள், கையடக்க மின்விசிறிகள், முடிவெட்டும் கருவி உள்ளிட்ட பொருள்கள் கொண்டு வரப்படுகின்றன. இந்த வகை பொருள்களை சுங்கத் துறை அதிகாரிகள் பறிமுதல் செய்து வழக்குப் பதிவு செய்கின்றனா்.
அதன்படி, சென்னை துறைமுகத்துக்கு கடந்த 2024-25-ஆம் நிதியாண்டில் உரிய சான்று இல்லாமல் கொண்டுவரப்பட்ட பொருள்கள், இந்தியாவில் இறக்குமதி செய்ய தடை செய்யப்பட்ட பொருள்கள் உள்பட ரூ. 234 கோடியே 5 லட்சத்து 72 ஆயிரத்து 586 மதிப்புள்ள பொருள்களை சுங்கத் துறை அதிகாரிகள் பறிமுதல் செய்துள்ளனா். இது தொடா்பாக 117 போ் மீது வழக்குப் பதிவு செய்து, விசாரித்து வருவதாக சுங்கத் துறை அதிகாரிகள் தெரிவித்தனா்.
