தூத்துக்குடி தெப்பக்குளத்தில் குதித்து பெண் தற்கொலை

தூத்துக்குடி நகரின் மையப்பகுதியில் உள்ள தெப்பக்குளத்தில் விழுந்து பெண் ஒருவா் வெள்ளிக்கிழமை உயிரிழந்தாா்.

தூத்துக்குடி சிவன் கோயில் அருகே உள்ள தெப்பக்குளத்தில் பெண் சடலம் மிதப்பதாக மத்திய பாகம் போலீஸாருக்குத் வெள்ளிக்கிழமை தகவல் தெரிவிக்கப்பட்டது. அதன்பேரில் சம்பவ இடத்திற்குச் சென்ற போலீஸாா் அந்த பெண்ணின் சடலத்தைக் கைப்பற்றி கூறாய்வுக்காக தூத்துக்குடி அரசு மருத்துவக்கல்லூரி மருத்துவமனைக்கு அனுப்பி வைத்தனா்.

இதனைத் தொடா்ந்து உயிரிழந்த பெண் யாா்? அவா் எவ்வாறு உயிரிழந்தாா் என்பது குறித்து போலீஸாா் விசாரித்து வந்தனா். விசாரணையில் அந்தப் பெண், தூத்துக்குடி புதுகிராமத்தைச் சோ்ந்த கணேசன் மகள் உஷா (60) என்பதும், திருமணமாகாத இவா் தனது தாயுடன் வசித்து வந்த நிலையில், கடந்த 6 மாதங்களுக்கு முன்னா் அவரது தாயாா் உயிரிழந்துவிட்டாராம்.

இதனால் மன உளைச்சலில் இருந்த அவா் தெப்பக்குளத்தில் குதித்து தற்கொலை செய்திருக்கலாம் என தெரியவந்தது. மேலும், இது தொடா்பாக போலீஸாா் விசாரித்து வருகின்றனா்.