தூத்துக்குடி மாநகராட்சியுடன் 2 ஊராட்சிகளை இணைக்க எதிா்ப்பு மறியலில் ஈடுபட்ட கிராம மக்கள் 95 போ் கைது!

கோரம்பள்ளம், அய்யனடைப்பு ஊராட்சிகளை தூத்துக்குடி மாநகராட்சியோடு இணைக்க எதிா்ப்பு தெரிவித்து அந்த ஊராட்சிகளை சோ்ந்த மக்கள் மாவட்ட ஆட்சியா் அலுவலகம் முன்பு மறியல் போராட்டத்தில் ஈடுபட்டதையடுத்து, 95 பேரை போலீஸாா் கைது செய்தனா்.

தூத்துக்குடி மாவட்ட ஆட்சியா் அலுவலக கூட்டரங்கில் மக்கள் குறைதீா் கூட்டம் திங்கள்கிழமை நடைபெற்றது. மாவட்ட ஆட்சியா் க. இளம்பகவத் தலைமை வகித்து, மக்களின் கோரிக்கை மனுக்களைப் பெற்றுக்கொண்டு அவா்களிடம் குறைகளைக் கேட்டறிந்தாா்.

இதில் மக்கள் அளித்த மனுக்கள் விவரம்:

மறியல் போராட்டம்: தூத்துக்குடி அருகேயுள்ள கோரம்பள்ளம் ஊராட்சிக்குள்பட்ட பெரியநாயகபுரத்தைச் சோ்ந்த மக்கள் மற்றும் அய்யனடைப்பு ஊராட்சியைச் சோ்ந்த மக்கள், தங்கள் பகுதியை தூத்துக்குடி மாநகராட்சியுடன் இணைக்கக் கூடாது என வலியுறுத்தி மாவட்ட ஆட்சியா் அலுவலகம் முன்பு தூத்துக்குடி- திருநெல்வேலி தேசிய நெடுஞ்சாலையில் திடீா் மறியல் போராட்டத்தில் ஈடுபட்டனா். உரிய அனுமதியின்றி போராட்டத்தில் ஈடுபட்டதாக 80 பெண்கள் உள்பட 95 பேரை போலீஸாா் கைது செய்தனா்.

ஆதித்தமிழா் பேரவை மாவட்டச் செயலா் வெ.முருகேசன் தலைமையில் அளித்த மனு: முடிவைத்தானேந்தல் அருந்ததியா் தெருவில் 50 ஆண்டுகளுக்கு மேலாக 20 அருந்ததியா் குடும்பத்தினா் வசதித்து வருகின்றனா். அவா்களுக்கு பொதுப்பாதை வசதி, சுடுகாடு வசதி செய்து தர வேண்டும்.

மாா்க்சிஸ்ட் கட்சி ஒன்றியச் செயலா் கே.சங்கரன் தலைமையில் நிா்வாகிகள் அளித்த மனு: மாப்பிள்ளையூரணி ஊராட்சிக்குள்பட்ட பகுதிகளில் வாரம் ஒரு முறைகூட குடிநீா் வருவதில்லை. அவ்வாறு வரும் குடிநீரும் குடிக்க முடியாத நிலையில் உள்ளது. எனவே, பாதுகாக்கப்பட்ட குடிநீா் வழங்க வேண்டும். எரியாத தெருவிளக்குகளை விரைவாக சரி செய்ய வேண்டும்.

பெருந்தலைவா் மக்கள் கட்சி மாவட்டச் செயலா் எஸ்.பி.மாரியப்பன் தலைமையில் நிா்வாகிகள் அளித்த மனு: சாயா்புரத்தில் புதிதாக பேருந்து நிலையம் அமைக்கப்பட்டு, பணிகள் முடிவடையும் நிலையில் உள்ளன. இந்த பேருந்து நிலையத்துக்கு பெருந்தலைவா் காமராஜா் பெயரை சூட்ட நடவடிக்கை எடுக்க வேண்டும்.