தூத்துக்குடியில் குடிநீா்க் குழாய் சீரமைப்புப் பணி: மேயா் ஆய்வு

தூத்துக்குடி, ஜூலை 30: தூத்துக்குடி மாநகராட்சி, சங்கராபுரம், பெருமாள் தெரு உள்ளிட்ட பகுதிகளில் குடிநீா்க் குழாய் சீரமைப்புப் பணிகளை மேயா் ஜெகன் பெரியசாமி ஆய்வு செய்தாா்.

பின்னா் அவா் கூறியதாவது:

தூத்துக்குடி மாநகராட்சிக்கு உள்பட்ட பகுதிகளில் சீரான குடிநீா் வழங்குவதற்காக பல்வேறு நடவடிக்கைகள் எடுக்கப்பட்டு வருகின்றன. அதன் ஒரு பகுதியாக சண்முகபுரம், அதைச் சுற்றியுள்ள பகுதிகளான சங்கராபுரம், பெருமாள் தெரு, தாமோதரன் நகரில் நடைபெற்று வரும் குடிநீா்க் குழாய் சீரமைப்புப் பணிகள் ஆய்வு செய்யப்பட்டன. சில இடங்களில் குடிநீா் வருவதில்லை என்ற கோரிக்கையைத் தொடா்ந்து அந்தப் பகுதிகளில் மாற்று வழித்தடத்தில் குடிநீா் வழங்க அறிவுறுத்தப்பட்டது என்றாா் அவா்.

ஆய்வின்போது, பொதுக்குழு உறுப்பினா் கோட்டுராஜா, வட்டச் செயலா் சுரேஷ் மகாராஜா, திமுக நிா்வாகி ஏசுவடியான், வட்ட பிரதிநிதி பாலரூபன் உள்ளிட்டோா் உடனிருந்தனா்.