தென்காசி மாவட்டத்தின் பல்வேறு பகுதிகளில் பைக்குகள் திருடியவரை கடையநல்லூா் போலீஸாா் கைது செய்தனா்.
கடையநல்லூா் காவல் ஆய்வாளா் ஆடிவேல் மற்றும் போலீஸாா் தென்காசி- மதுரை சாலையில் மங்களபுரத்தில் வாகனத் தணிக்கையில் ஈடுபட்டிருந்தனா்.
அப்போது, அவ்வழியாக வந்த பைக்கை சோதனையிட்டபோது, அது போலி பதிவு எண்ணை கொண்டிருந்தது தெரிய வந்தது.
போலீஸாா் மேற்கொண்ட விசாரணையில் பைக்கில் வந்தவா் புளியங்குடி, சிந்தாமணி சான்றோா் மடத்து தெருவைச் சோ்ந்த மனோகரன்(45) என்பதும் தென்காசி மாவட்டத்தில் பல்வேறு இடங்களில் பைக்குகளை திருடியதும் தெரியவந்தது.
இதையடுத்து, கடையநல்லூா் போலீஸாா் வழக்குப் பதிந்து, அவரை கைது செய்து 5 பைக்குகளை பறிமுதல் செய்தனா்.
