அரக்கோணத்தில் உள்ள தேசிய பேரிடா் மீட்புப்படைத்தள வளாகத்தை பாா்வையிட்ட தமிழக தீயனைப்புத்துறை டிஜிபி சீமாஅகா்வால் படைத்தள அலுவலா்களுடன் பயிற்சிகள் குறித்து ஆலோசனை மேற்கொண்டாா்.
தமிழக தீயனைப்பு மற்றும் மீட்புப் பணிகள் பிரிவு டிஜிபி சீமாஅகா்வால் புதன்கிழமை அரக்கோணம் அடுத்த நகரிகுப்பத்தில் உள்ள தேசிய பேரிடா் மீட்புப்படைத் தளத்துக்கு வந்தாா். அவரை படையின் துணை கமாண்டண்ட் வைத்தியலிங்கம் மற்றும் படையின் கால்நடை பிரிவு மருத்துவ அலுவலா் கமாண்டண்ட் சைலேந்திரசிங் ஆகியோா் வரவேற்றனா்.
தொடா்ந்து படை வளாகத்தில் உள்ள மீட்பு உபகரணங்கள் மற்றும் மோப்பநாய் படைப்பிரிவை டிஜிபி பாா்வையிட்டாா். தமிழ்நாடு பேரிடா் மீட்புப்படை வீரா்கள் 100-க்கும் மேற்பட்டோா் பல்வேறு கட்ட மீட்புப்பணிகள் குறித்து தேசிய பேரிடா் மீட்புப்படைத்தளத்தில் தற்போது பயிற்சி பெற்று வருகின்றனா்.
அந்த பயிற்சியையும் டிஜிபி சீமாஅகா்வால் பாா்வையிட்டாா். பினனா் படைத்தள அலுவலா்களுடன் மீட்புபப்பணிகள் குறித்து நடைபெற்ற ஆலோசனை கூட்டத்தில் பங்கேற்றாா்.
