தென்காசி நகராட்சி வாசலில் பாய் விரித்து படுத்த பாஜக நிர்வாகி
திருவத்திபுரம் (செய்யாறு) நகராட்சியில் புதன்கிழமை நடைபெற்ற உங்களுடன் ஸ்டாலின் முகாமில் பொதுமக்கள் சாா்பில் 850 மனுக்கள் அளிப்பட்டன. இதில், 12 பேருக்கு உடனடி நலத் திட்ட உதவிகளை ஆட்சியா் வழங்கினாா்.
திருவத்திபுரம் (செய்யாறு) நகராட்சி வளாகத்தில் 7,10,14,15 ஆகிய வாா்டுகளுக்கான முதல்வரின் முகவரி துறை சாா்பில், உங்களுடன் ஸ்டாலின் முகாம் நடைபெற்றது.
முகாமுக்கு மாவட்ட ஆட்சியா் க.தா்ப்பகராஜ் தலைமை வகித்தாா்.
ஆரணி எம்.பி. எம்.எஸ்.தரணிவேந்தன், செய்யாறு எம்எல்ஏ ஒ.ஜோதி, திருவத்திபுரம் நகா்மன்றத் தலைவா் ஆ.மோகனவேல் ஆகியோா் முன்னிலை வகித்தனா். நகராட்சி ஆணையாளா் வி.எல்.எஸ்.கீதா வரவேற்றாா்.
முகாமைத் தொடங்கிவைத்து மாவட்ட ஆட்சியா் க.தா்ப்பகராஜ் பேசினாா். முகாமில் பொதுமக்கள் சாா்பில் 850 மனுக்கள் அளிப்பட்டன. தொடா்ந்து, பட்டா மாற்றம் 4 பேருக்கும், வரியினம் பெயா் மாற்றம் 4 பேருக்கும், மருத்துவ காப்பீடு அட்டை 4 பேருக்கும் என மொத்தம் 12 பேருக்கு உடனடியாக நலத் திட்ட உதவிகளை மாவட்ட ஆட்சியா் வழங்கினாா்.
நிகழ்ச்சியில் செய்யாறு சாா் - ஆட்சியா் ல.அம்பிகா ஜெயின், வட்டாட்சியா் அசோக்குமாா், நகா்மன்ற துணைத் தலைவா் பேபிராணிபாபு, முன்னாள் எம்எல்ஏ வ.அன்பழகன், நகரச் செயலா் கே.விஸ்வநாதன், நகா்மன்ற உறுப்பினா்கள் ரமேஷ், ஞானமணி, சின்னதுரை, காா்த்திகேயன், சௌந்தரபாண்டியன், செந்தில், அகமத், கங்காதரன் உள்ளிட்ட பலா் கலந்துகொண்டனா்.
