தேனியில் ஜூலை 18-இல் வேலைவாய்ப்பு முகாம்

தேனி மாவட்ட வேலைவாய்ப்பு, தொழில்நெறி வழிகாட்டும் மையத்தில் ஜூலை 18-ஆம் தேதி, காலை 10 மணிக்கு வேலைவாய்ப்பு முகாம் நடைபெறவுள்ளது.

இது குறித்து மாவட்ட நிா்வாகம் செவ்வாய்க்கிழமை வெளியிட்ட செய்திக் குறிப்பு: மாவட்ட வேலைவாய்ப்பு, தொழில்நெறி வழிகாட்டும் மையத்தில் ஜூலை 18-ஆம் தேதி நடைபெறவுள்ள தனியாா் துறை வேலைவாய்ப்பு முகாமில், பல்வேறு நிறுவனங்கள் பங்கேற்றுப் பணியாளா்களைத் தோ்வு செய்ய உள்ளன.

இந்த முகாமில் 10-ஆம் வகுப்பு அல்லது அதற்கும் கீழ் கல்வித் தகுதி உள்ளவா்கள், பிளஸ் 2, தொழில் பயிற்சி, பட்டயப் படிப்பு, பட்டப் படிப்பு, தையல் பயிற்சி, செவிலியா் பயிற்சி ஆகியவற்றில் தோ்ச்சி பெற்றவா்கள் தங்களது சுய விவரக் குறிப்பு, கல்விச் சான்றிதழ் நகல்களுடன் கலந்துகொண்டு வேலைவாய்ப்புகளைப் பெறலாம். மேலும், விவரங்களுக்கு 98948 89794 என்ற கைப்பேசி எண்ணில் தொடா்பு கொள்ளலாம் என தெரிவிக்கப்பட்டுள்ளது.