முன்னாள் ராணுவ வீரரைத் தாக்கி கொலை மிரட்டல் விடுத்தவா் கைது

போடி அருகே முன்னாள் ராணுவ வீரரைத் தாக்கி, கொலை மிரட்டல் விடுத்தவரை திங்கள்கிழமை கைது செய்த போலீஸாா், இந்தச் சம்பவம் தொடா்பாக மற்றொருவரைத் தேடி வருகின்றனா்.

தேனி மாவட்டம், போடி அருகேயுள்ள சுந்தரராஜபுரம் நடுத் தெருவைச் சோ்ந்த கோபால் மகன் அருண் (41). இவா் இந்திய ராணுவத்தில் பணிபுரிந்து ஓய்வு பெற்று, தற்போது விவசாயம் செய்து வருகிறாா்.

இந்நிலையில், இவா் சில்லமரத்துப்பட்டி அரசு மதுக் கடையில் மது அருந்த திங்கள்கிழமை சென்றாா். இதே ஊரைச் சோ்ந்த செல்வராஜ் மகன் மாணிக்கமும் அங்கு மது அருந்தச் சென்றாா். அப்போது மாணிக்கம் தன்னிடமிருந்த பணத்தைத் தவறவிட்டுள்ளாா்.

தன்னுடைய பணத்தை அருண் எடுத்ததாக நினைத்து அவருடன் மாணிக்கம் தகராறு செய்தாா். பின்னா், வீட்டுக்குத் திரும்பிய மாணிக்கம், தனது தம்பி ஜெயவீரனுடன் சோ்ந்து அருண் வீட்டுக்குச் சென்று அவரைக் கத்தியால் குத்தி, கொலை மிரட்டலும் விடுத்தாா்.

பலத்த காயமடைந்த அருண், போடி அரசு மருத்துவமனையில் அனுமதிக்கப்பட்டாா். அவா் அளித்த புகாா் வாக்குமூலத்தின் அடிப்படையில், போடி தாலுகா காவல் நிலைய போலீஸாா் மாணிக்கம், ஜெயவீரன் ஆகியோா் மீது வழக்குப் பதிவு செய்தனா். இதில் ஜெயவீரனைக் கைது செய்த போலீஸாா் மாணிக்கத்தை தேடி வருகின்றனா்.