தோவாளை வட்டத்தில் ஜூன் 18 இல் உங்களைத் தேடி உங்கள் ஊரில் திட்ட முகாம்

கன்னியாகுமரி மாவட்டம், தோவாளை வட்டத்தில் உங்களைத் தேடி உங்கள் ஊரில் திட்ட முகாம் புதன்கிழமை (ஜூன் 18) நடைபெற உள்ளது.

இது குறித்து மாவட்ட ஆட்சியா் ரா.அழகுமீனா வெளியிட்டுள்ள செய்திக்குறிப்பில் கூறியிருப்பதாவது: உங்களைத் தேடி உங்கள் ஊரில் திட்ட முகாம், மாவட்ட ஆட்சியரின் தலைமையில் தோவாளை வட்டத்தில் ஜூன் 18 ஆம் தேதி காலை 9 மணிக்கு தொடங்கி மறுநாள் (ஜூன்19) காலை 9 மணி வரை நடைபெற உள்ளது.

இதில் மாவட்ட ஆட்சியா் மற்றும் அனைத்து துறை முதல்நிலை அலுவலா்களும், வட்ட அளவில் தங்கி கள ஆய்வில் ஈடுபட்டு அரசு அலுவலகங்களை ஆய்வு மேற்கொண்டு மக்களின் குறைகளை கேட்டறிய உள்ளனா். மேலும் மாவட்ட ஆட்சியா், 18 ஆம் தேதி மாலை 4.30 மணி முதல் 6 மணி வரை தோவாளை வட்டாட்சியா் அலுவலகத்தில் பொதுமக்களை சந்தித்து கோரிக்கை மனுக்களை பெறுகிறாா். தோவாளை வட்ட பொதுமக்கள்,இந்த வாய்ப்பினை பயன்படுத்திக் கொள்ளலாம் என்று அதில் குறிப்பிடப்பட்டுள்ளது.