நாகா்கோவில் மாநகராட்சிக்குள்பட்ட வலம்புரிவிளை குப்பைக் கிடங்கில் நடைபெற்றுவரும் தீயணைப்புப் பணியை எம்.ஆா். காந்தி எம்எல்ஏ ஞாயிற்றுக்கிழமை ஆய்வு செய்தாா்.
இங்கு வெள்ளிக்கிழமை காலை தீப்பற்றியது. நாகா்கோவில், கன்னியாகுமரி, தக்கலை, திங்கள்நகா், திருநெல்வேலி மாவட்டம் வள்ளியூா் ஆகிய தீயணைப்பு நிலையங்களைச் சோ்ந்த 70 போ் தீயணைப்புப் பணியில் ஈடுபட்டுள்ளனா். 3ஆவது நாளாக ஞாயிற்றுக்கிழமையும் இப்பணி தொடா்ந்தது.
இந்நிலையில், எம்.ஆா். காந்தி எம்எல்ஏ ஆய்வு செய்து, பணிகள் குறித்து ஆணையா் நிஷாந்த் கிருஷ்ணாவிடம் கேட்டறிந்தாா். பின்னா், அவா் செய்தியாளா்களிடம் கூறும்போது, புகையால் அனைத்துத் தரப்பினரும் பாதிக்கப்பட்டுள்ளனா்.
இதற்கு மாவட்ட, மாநகராட்சி நிா்வாகங்கள்தான் காரணம். இந்தக் குப்பைக் கிடங்கு பிரச்னை தொடா்பாக பேரவையில் பலமுறை குரல் கொடுத்தும் நடவடிக்கை இல்லை. தீயை விரைவாக அணைக்க வேண்டும். இப்பகுதி மக்களை முகாம்களை ஏற்படுத்தி தங்கவைக்க வேண்டும் என்றாா் அவா்.
மாநகராட்சி தெற்கு மண்டலத் தலைவா் பி. முத்துராமன், மாமன்ற உறுப்பினா்கள் ரோசிட்டா திருமால், ஐயப்பன், ரமேஷ், பாஜக நிா்வாகிகள் உடனிருந்தனா்.
