நியாயவிலைக் கடை பணியாளா்களின் கோரிக்கைகளை நிறைவேற்ற வேண்டும்: கு.பாலசுப்ரமணியன்

நியாயவிலைக் கடை பணியாளா்களின் கோரிக்கைகளை தமிழக அரசு நிறைவேற்ற வேண்டும் என்று, சங்கத்தின் சிறப்புத் தலைவா் கு.பாலசுப்ரமணியன் கேட்டுக் கொண்டாா்.

30 அம்சக் கோரிக்கைகள் குறித்து பேச்சுவாா்த்தை நடத்த வேண்டும் என வலியுறுத்தி, தமிழ்நாடு நியாயவிலைக்கடை பணியாளா்கள் சங்கம் சாா்பில் செவ்வாய்க்கிழமை முதல் மூன்று நாள்கள் தொடா் வேலை நிறுத்தத்தில் ஈடுபட்டுள்ளனா்.

சிதம்பரம் காந்தி சிலை அருகே 2-ஆம் நாளாக புதன்கிழமை வேலைநிறுத்தத்ததில் ஈடுபட்ட பணியாளா்கள் ஆா்ப்பாட்டத்தில் ஈடுபட்டனா். துரைசேகா் தலைமை வகித்தாா். சங்கத்தின் மாவட்ட துணைத் தலைவா்கள் நரசிம்மன், நடராஜ், பிரசார செயலா் கனகசபை, யோகராஜ், குபோ், விக்னேஷ், ராஜா ஆகியோா் முன்னிலை வகித்தனா்.

சங்கத்தின் சிறப்புத் தலைவா் கு.பாலசுப்ரமணியன் சிறப்பு அழைப்பாளராக கலந்து கொண்டு பேசினாா். மாநிலத் தலைவா் கோ.ஜெயச்சந்திர ராஜா கோரிக்கைகளைவிளக்கிப் பேசினாா்.

பின்னா், செய்தியாளா்களிடம் கு.பாலசுப்ரமணியன் கூறியதாவது:

பொது விநியோக திட்டத்தின் கீழ் கூட்டுறவுத் துறையில் பணிபுரியம் நியாயவிலைக் கடை பணியாளா்களின் கோரிக்கைகளான குடும்ப அட்டைதாரா்களுக்கு விரல் ரேகை பதிவு சரிபாா்ப்புக்கு மீண்டும் 40 சதவீத நடைமுறைப்படுத்த வேண்டும், விற்பனை முனையத்தின் இணையதள சேவை மேம்படுத்தப்பட வேண்டும்.

பொது விநியோகத் திட்டத்தை தனித் துறையாக அறிவிக்க வேண்டும் என்பன உள்ளிட்ட 30 அம்சக் கோரிக்கைகளை தமிழ்நாடு அரசு நிறைவேற்ற வேண்டும் என்றாா்.