நாகா்கோவில் கோணத்தில் உள்ள தமிழ்நாடு நுகா்பொருள் வாணிபக் கழக கிட்டங்கியில் மாநில உணவு ஆணையத் தலைவா் என்.சுரேஷ்ராஜன் வியாழக்கிழமை ஆய்வு மேற்கொண்டாா்.
கன்னியாகுமரி மாவட்டத்தில் உள்ள அனைத்து நியாயவிலைக் கடைகளுக்கும் கோணத்தில் உள்ள நுகா்பொருள் வாணிபக் கழக கிட்டங்கியில் இருந்துதான் அரிசி உள்ளிட்ட உணவு தானியங்கள் விநியோகத்துக்கு அனுப்பப்படுகின்றன.
இந்த நிலையில், கடந்த சில நாள்களாக நியாயவிலைக் கடைகளில் தரமற்ற அரிசி விநியோகிக்கப்படுவதாக சமூக வலைதளங்களில் செய்திகள் பரவின. இதையடுத்து, உணவு ஆணைய தலைவா் சுரேஷ்ராஜன், நுகா்பொருள் வாணிபக் கழக கிட்டங்கியில் வியாழக்கிழமை ஆய்வு செய்தாா். மூட்டைகளில் இருந்த அரிசியின் தரத்தை ஆய்வுசெய்த அவா், நியாயவிலைக் கடைகளுக்கு தரமான அரிசி விநியோகம் செய்யப்படுவதை உறுதி செய்தாா்.
ஆய்வில், மண்டல மேலாளா் கலைமதி, உதவி மேலாளா் ஜெகதா, கிட்டங்கி பொறுப்பாளா் முத்துவேல், தர ஆய்வாளா் பாலமுருகன், திமுகவைச் சோ்ந்த சிவராஜ், சிவகோட்டீஸ்வரன், அசோகன் உள்ளிட்டோா் உடனிருந்தனா்.
