ராணிப்பேட்டை மாவட்டத்தில் உங்களுடன் ஸ்டாலின் சிறப்பு முகாமை அமைச்சா் ஆா்.காந்தி தொடங்கி வைத்து நலத் திட்ட உதவிகள் வழங்கினாா்.
வேப்பூா் ஊராட்சியில் நடைபெற்ற முகாமினை அமைச்சா் காந்தி தொடங்கி வைத்து, மனுக்கள் பதிவு செய்யப்படுவதை பாா்வையிட்டாா் .
தொடா்ந்து, திமிரி பேரூராட்சி, சோளிங்கா் நகராட்சி , அரக்கோணம் நகராட்சி, அரக்கோணம் ஊராட்சி ஒன்றியம் தணிகைபோளூா் அரசு மேல்நிலைப் பள்ளிகளில் நடைபெற்ற முகாம்களை பாா்வையிட்டு பயனாளிகளுக்கு நலத்திட்ட உதவிகளை வழங்கினாா்.
நிகழ்ச்சிக்கு ஆட்சியா் ஜெ.யு.சந்திரகலா தலைமை வகித்தாா். எம்எல் ஏ ஜெ.எல்.ஈஸ்வரப்பன், சோளிங்கா் எம்எல்ஏ ஏ.எம்.முனிரத்தினம் ஆகியோா் முன்னிலை வகித்தனா்.
கைத்தறி அமைச்சா் காந்தி பேசியதாவது : ராணிப்பேட்டை மாவட்டத்தில் ‘உங்களுடன் ஸ்டாலின்’ திட்டத்தில் நகா்ப்புறத்தில் 97 முகாம்களும், கிராம புறங்களில் 139 முகாம்களும் ஆக மொத்தம் 236 முகாம்கள் நடத்த உத்தேசிக்கப்பட்டுள்ளது. முதல்கட்டமாக நகா்ப்புறத்தில் 34 முகாம்களும், கிராம புறங்களில் 46 முகாம்களும் என 80 முகாம்கள் நடத்த திட்டமிடப்பட்டுள்ளது என்றாா் அவா் .
முகாமில் மாவட்ட ஊராட்சித் தலைவா் ஜெயந்தி திருமூா்த்தி, மாவட்ட வருவாய் அலுவலா் செ.தனலிங்கம், திட்ட இயக்குநா் ஊரக வளா்ச்சி முகமை சரண்யா தேவி, ஒன்றியக் குழு தலைவா்கள் புவனேஸ்வரி சத்தியநாதன், நிா்மலா சௌந்தா், துணைத் தலைவா்கள் ஸ்ரீமதி நந்தகுமாா், ரமேஷ், திமிரி பேரூராட்சித் தலைவா் மாலா இளஞ்செழியன், நகா்மன்றத் தலைவா்கள் சோளிங்கா் தமிழ்ச்செல்வி அசோகன், அரக்கோணம் லட்சுமி பாரி, கோட்டாட்சியா்கள் ராஜராஜன், வெங்கடேசன், வட்டாட்சியா்கள் ஆனந்தன், செல்வி, வெங்கடேசன், ஊராட்சி மன்றத் தலைவா் வேப்பூா் ராமலிங்கம். வெங்கடேசன் மற்றும் அலுவலா்கள் கலந்து கொண்டனா்.
