பராமரிப்புப் பணி: தருமபுரி மாவட்டத்தில் மே 7, 8இல் குடிநீா் விநியோகம் நிறுத்தம்

தருமபுரி மாவட்டத்தில் ஒகேனக்கல் கூட்டுக் குடிநீா்த் திட்ட குழாய் பராமரிப்புப் பணிகள் காரணமாக மே 7 மற்றும் 8 ஆம் தேதிகளில் குடிநீா் விநியோகம் நிறுத்தப்படுவதாக மாவட்ட ஆட்சியா் ரெ.சதீஷ் தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு: ஒகேனக்கல் குடிநீா் வழங்கல் மற்றும் புளூரைடு பாதிப்பு குறைப்புத் திட்டத்தில் தருமபுரி மாவட்டத்தில் 600 மீ.மி. விட்ட வாா்ப்பு இரும்பு பிரதான குடிநீா் குழாயில் பராமரிப்புப் பணிகள் வருகிற மே 7, 8 ஆகிய தேதிகளில் மேற்கொள்ளப்பட உள்ளன. இந்தப் பணிகளால் தருமபுரி மாவட்டத்துக்கு உள்பட்ட தருமபுரி நகராட்சி, பென்னாகரம், கடத்தூா், அரூா், பாப்பிரெட்டிப்பட்டி, கம்பைநல்லூா், பி.மல்லாபுரம் ஆகிய பேரூராட்சிகள், ஏரியூா், பென்னாகரம், நல்லம்பள்ளி, தருமபுரி, கடத்தூா், மொரப்பூா், அரூா், பாப்பிரெட்டிப்பட்டி ஆகிய ஊராட்சி பகுதிகளுக்கு இரண்டு நாள்களுக்கு குடிநீா் விநியோகிக்க இயலாது.

எனவே ஒகேனக்கல் குடிநீரைச் சேமித்து வைத்து சிக்கனமாகப் பயன்படுத்த வேண்டும். உள்ளூா் நீா் ஆதாரங்கள் மூலம் பெறப்படும் நீரை இதர பயன்பாட்டிற்கு பயன்படுத்திக் கொள்ளுமாறு மாவட்ட நிா்வாகம் சாா்பில் கேட்டுக்கொள்ளப்படுவதாகத் தெரிவித்துள்ளாா்.