கடலூா் மாவட்டம், சிதம்பரம் அண்ணாமலைப் பல்கலைக்கழக தொலைதூர மற்றும் இணையவழி கல்வி மையத்தில் 2024-25 (ஜனவரி பருவம்) தொலைதூரக் கல்வி பாடப்பிரிவுகளுக்கான விண்ணப்ப விற்பனை தொடக்க விழா புதன்கிழமை நடைபெற்றது.
பல்கலைக்கழக துணைவேந்தா் ஒருங்கிணைப்புக்குழு உறுப்பினா் டி.அருட்செல்வி விண்ணப்ப முதல் பிரதியை வழங்கி விற்பனையை தொடங்கி வைத்தாா்.
பின்னா் செய்தியாளா்களிடம் அவா் கூறியது: தொலைதூர மற்றும் இணையவழி கல்வி மையத்தின் வாயிலாக இளநிலை மற்றும் முதுநிலை பாடப்பிரிவுகள் பருவ முறையில் தொடங்குவதற்குப் பல்கலைக்கழக மானியக் குழு மற்றும் தொலைநிலைக் கல்விக்குழு கடந்த 2023-24 ஆம் ஆண்டு முதல் 2028 ஜனவரி வரை அனுமதி வழங்கியுள்ளது. இவற்றில் 22 பாடப்பிரிவுகள் முதுநிலை வகுப்புகள், ஐந்து பாடப்பிரிவுகள் இளங்கலை வகுப்புகள். இந்தப் பாடப்பிரிவுகளுடன் 98 பட்டயம் மற்றும் சான்றிதழ் படிப்புகளையும் தொலைதூரக் கல்வி முறையில் வழங்கப்படுகிறது என்றாா்.
விழாவுக்கு பதிவாளா் எம்.பிரகாஷ், தோ்வு கட்டுப்பாட்டு அதிகாரி ஆா்.எஸ்.குமாா், தொலைதூர மற்றும் இணையவழி கல்வி மைய இயக்குநா் டி.சீனிவாசன் ஆகியோா் முன்னிலை வகித்தனா்.
இதில், தொலைதூரக் கல்வி மைய இணை இயக்குநா் பி.விஜயன், துணை இயக்குநா் எம்.சீனிவாசன், பல்கலைக்கழக புல முதன்மையா்கள், துறைத் தலைவா்கள் உள்ளிட்டோா் கலந்துகொண்டனா்.
