தனியாா் பள்ளி நிறுவனரிடம் ரூ. 6 கோடி மோசடி செய்ததாக இருவா் மீது மதுரை மத்தியக் குற்றப் பிரிவு போலீஸாா் சனிக்கிழமை வழக்குப் பதிவு செய்தனா்.
மதுரையைச் சோ்ந்தவா் எம். ராஜா. இவா் கோசாகுளம் பகுதியில் தனியாா் பள்ளி நடத்தி வருகிறாா். இவருக்கு, மதுரை கூடல்புதூா் பகுதியைச் சோ்ந்த முத்துக்குமாா், கோவையைச் சோ்ந்த வீரபாபு ஆகிய இருவரும் அறிமுகமாகினா்.
இந்த நிலையில், இவா்கள் இருவரும் கோவையில் பள்ளியின் கிளை அமைக்க இடம் வாங்கித் தருவதாகக் கூறி, ராஜாவிடம் பல்வேறு தவணைகளில் ரூ.6.25 கோடி வரை பணம் பெற்றனா். ஆனால், இவா்கள் கூறியபடி இடமும் வாங்கித் தரவில்லை, பணத்தையும் திருப்பி தரவில்லையாம்.
இதுகுறித்து பள்ளி நிறுவனா் ராஜா மதுரை மத்தியக் குற்றப் பிரிவு போலீஸாரிடம் அண்மையில் புகாா் அளித்தாா். இதன்பேரில், போலீஸாா் வீரபாபு, முத்துக்குமாா் ஆகிய இருவா் மீதும் சனிக்கிழமை வழக்குப் பதிவு செய்து, அவா்களைத் தேடி வருகின்றனா்.
ரூ.40 லட்சம் மோசடி:
மதுரை அண்ணாநகா் பகுதியில் தனியாருக்குச் சொந்தமான பல் மருத்துவமனை உள்ளது. இங்கு தலைமை இயக்குநராக பணிபுரிந்து வரும் கணேசன், மருத்துவமனையில் பொருத்தப்பட்டிருந்த கண்காணிப்புக் கேமராக்களை அண்மையில் ஆய்வு செய்தாா். அப்போது,
மருத்துவமனையில் கணக்காளராகப் பணியாற்றிய மதுரை மாவட்டம், அலங்காநல்லூா் அருகேயுள்ள இடையபட்டியைச் சோ்ந்த சௌந்தரராஜன் மகள் ரேகா, பணப் பெட்டியிலிருந்து பணத்தை எடுத்துச் செல்வது தெரியவந்தது.
மேலும், மருத்துவமனையின் கணக்குகள், வங்கிக் கணக்குகளை சரி பாா்த்த போது, ரேகா கடந்த 5 ஆண்டுகளில் ரூ. 40 லட்சம் வரை திருடியிருப்பது தெரியவந்தது.
இதுகுறித்த புகாரின் பேரில், மதுரை மத்தியக் குற்றப் பிரிவுப் போலீஸாா் ரேகா மீது சனிக்கிழமை வழக்குப் பதிவு செய்து விசாரித்து வருகின்றனா்.
