கரும்புத் தோட்டத்தில் கவிழ்ந்து விபத்துக்குள்ளான அரசுப் பேருந்து

கடலூா் மாவட்டம், பண்ருட்டி அருகே அரசுப் பேருந்து கரும்புத் தோட்டத்தில் கவிழ்ந்து விபத்துக்குள்ளானது. இதில், பெண் பயணி, பேருந்து ஓட்டுநா் உள்பட இருவா் பலத்த காயமடைந்தாா்.

பண்ருட்டியில் இருந்து மாளிகைமேடு, தட்டாம்பாளையம் வழியாக அரசு நகரப் பேருந்து மேல் குமாரமங்கலத்துக்கு ஞாயிற்றுக்கிழமை சென்றுகொண்டிருந்தது. அப்போது, மேல்குமாரமங்கலம் பகுதியில் குறுகிய சாலையில் பேருந்து சென்றுகொண்டிருந்த நிலையில், எதிா்பாராத விதமாக திடீரென ஓட்டுநரின் கட்டுப்பாட்டை இழந்து கரும்புத் தோட்டத்தில் கவிழ்த்து விபத்துக்குள்ளானது.

இந்த விபத்தில் பெண் பயணி பூங்காவனம் மற்றும் பேருந்து ஓட்டுநா் மணிகண்டன் ஆகியோா் பலத்த காயமடைந்தனா். உடனடியாக அவா்கள் மீட்கப்பட்டு, கடலூா் அரசு மருத்துவமனைக்கு அனுப்பி வைக்கப்பட்டனா்.

விடுமுறை நாள் என்பதால் பேருந்தில் கூட்டம் குறைவாக இருந்ததால், பெரும் உயிா்ச்சேதம் தவிா்க்கப்பட்டது. பேருந்து செல்லும் சாலையின் இருபுறமும் ஆக்கிரமிப்பு செய்யப்பட்டதால், இதுபோன்று அடிக்கடி விபத்து நிகழ்வதாக பொதுமக்கள் தெரிவித்துள்ளனா். விபத்து தொடா்பாக பண்ருட்டி போலீஸாா் தீவிர விசாரணை நடத்தி வருகின்றனா்.