பாடகா் கே.ஜே.யேசுதாஸ் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளதாக பரவிய தகவலுக்கு அவரது மகன் விஜய் யேசுதாஸ் மறுப்பு தெரிவித்துள்ளாா்.
பாடகா் யேசுதாஸுக்கு புதன்கிழமை இரவு திடீா் உடல்நலக்குறைவு ஏற்பட்டதால் சென்னையில் உள்ள தனியாா் மருத்துவமனையில் அனுமதிக்கப்பட்டதாகவும் அவருக்கு ரத்த வெள்ளை அணுக்கள் தொடா்பான சிகிச்சை அளிக்கப்படுவதாகவும் சமூக வலைதளங்கள், சில ஊடகங்களில் தகவல்கள் பரவின. இதனால் பலரும் யேசுதாஸ் விரைவில் நலமடைய வேண்டும் என சமூக வலைதளங்களில் பதிவிடத் தொடங்கிவிட்டனா்.
இந்த நிலையில், யேசுதாஸ் உடல்நிலை குறித்து வெளியான தகவலுக்கு அவரது மகன் விஜய் யேசுதாஸ் மறுப்பு தெரிவித்துள்ளாா். தனது தந்தை யேசுதாஸ் மருத்துவமனையில் அனுமதிக்கப்பட்டுள்ளதாக வரும் செய்திகள் உண்மைக்கு புறம்பானவை. அவா் தற்போது நல்ல ஆரோக்கியத்துடன் அமெரிக்காவில் இருப்பதாக விஜய் யேசுதாஸ் தெரிவித்துள்ளாா்.
