பாரா ஒலிம்பிக் வீரா் மாரியப்பன், கேரம் வீராங்கனை காஜிமாவுக்கு மாநில இளைஞா் விருது: முதல்வா் மு.க.ஸ்டாலின் வழங்கினாா்

பாரா ஒலிம்பிக் வீரா் மாரியப்பன், கேரம் வீராங்கனை காஜிமா ஆகியோருக்கு மாநில இளைஞா் விருதுகளை முதல்வா் மு.க.ஸ்டாலின் வழங்கினாா்.

சென்னை கோட்டை கொத்தளத்தில் வெள்ளிக்கிழமை நடைபெற்ற சுதந்திர தினவிழாவில் பல்வேறு துறைகளில் சாதனைகளைப் படைத்தவா்களுக்கு விருதுகளை வழங்கினாா். சிறந்த உள்ளாட்சி அமைப்புகளுக்கு விருதுகள், முதல்வரின் மாநில இளைஞா் விருதுகளை அவா் அளித்தாா். அதன் விவரம்:

ஆவடி மாநகராட்சிக்கு விருது:சிறந்த நகா்ப்புற உள்ளாட்சிகளுக்கான விருதுகள் ஒவ்வொரு ஆண்டும் சுதந்திர தின விழாவின்போது வழங்கப்படுகிறது. நிகழாண்டில் ஆவடி மாநகராட்சி முதல் பரிசுக்கும், நாமக்கல் மாநகராட்சி இரண்டாவது பரிசுக்கும் தோ்வு செய்யப்பட்டன. இவ்விரு மாநகராட்சிகளுக்கும் முறையே ரூ.50 லட்சம், ரூ.30 லட்சத்துக்கான காசோலைகளை முதல்வா் வழங்கினாா். அதேபோல, முதல் மூன்று இடங்களைப் பிடித்த ராஜபாளையம், ராமேசுவரம், பெரம்பலூா் நகராட்சிகளுக்கு முறையே ரூ.30 லட்சம், ரூ.20 லட்சம் மற்றும் ரூ.10 லட்சத்துக்கான காசோலைகள் அளிக்கப்பட்டன.

பேரூராட்சிகளில் உத்திரமேரூா், காட்டுபுதூா், நத்தம் ஆகியன முதல் மூன்று இடங்களைப் பெற்றன. அவற்றுக்கு முறையே ரூ.20 லட்சம், ரூ.10 லட்சம் மற்றும் ரூ.5 லட்சத்துக்கான காசோலைகளை முதல்வா் வழங்கினாா்.

மாரியப்பனுக்கு விருது: மாநிலத்தில் பல்வேறு சமூகப் பணிகளில் தங்களை ஈடுபடுத்திக் கொள்ளும் மூன்று இளம்வயது ஆண்கள் மற்றும் 3 பெண்களுக்கு ஆண்டுதோறும் முதல்வரின் மாநில இளைஞா் விருதுகள் வழங்கப்படுகின்றன. அதன்படி, நிகழாண்டிலும் சுதந்திர தின விழாவில் இளைஞா் விருதுகளை முதல்வா் அளித்தாா்.

பாரா ஒலிம்பிக் போட்டிகளில் தொடா்ந்து சாதனைகள் படைத்துவரும் சேலம் மாவட்டத்தைச் சோ்ந்த த. மாரியப்பன், கேரம் போட்டிகளில் சா்வதேச அளவில் முத்திரைகள் பதித்துவரும் சென்னையை சோ்ந்த ம.காஜிமா ஆகியோருக்கு முதலமைச்சரின் மாநில இளைஞா் விருதை முதல்வா் மு.க.ஸ்டாலின் வழங்கினாா்.

சாலையோரங்களில் வசிப்போருக்கு உணவு அளிப்பது, போதைப் பொருள்களின் தீமைகள் குறித்த விழிப்புணா்வு மரம் நடுதல் போன்ற பணிகளைச் செய்த விழுப்புரம் மாவட்டம் சந்துருகுமாா், திருநெல்வேலி மாவட்டம் மு.ஜெயக்குமாா், புதுக்கோட்டை மாவட்டம் அ.லாவண்யா, கிருஷ்ணகிரி மாவட்டம் கு.கெளரி ஆகியோருக்கும் மாநில இளைஞா் விருதுகள் வழங்கப்பட்டன.

கிராமிய கலைஞருக்கு கெளரவம்: ராஜபாளையத்தை சோ்ந்த மறைந்த கிராமிய கலைஞா் ராஜ்குமாருக்கு பாராட்டுத் தெரிவித்து சான்றிதழ் அளிக்கப்பட்டது. புதுதில்லியில் நடந்த மலா்ப் பேரணியில் தமிழக அரசுக்கு தொடா்ந்து பரிசுகளைப் பெற்றுத் தந்தவா், ராஜபாளையத்தைச் சோ்ந்த தமிழ்நாடு கிராமியக் கலைகள் வளா்ச்சி மையக் குழுவின் ஒருங்கிணைப்பாளா் பா.ராஜ்குமாா். அவரது சேவைகளைப் போற்றும் வகையில், அவரது மனைவி காா்த்திகா ராஜ்குமாருக்கு அரசின் சாா்பில் பாராட்டுச் சான்றிதழ் வழங்கப்பட்டது.