பாலியல் வழக்கில் தனியாா் கல்லூரி துணை முதல்வா் கைது

வேலூா்: பெண் கௌரவ விரிவுரையாளா் மீதான பாலியல் வழக்கில் தேடப்பட்டு வந்த வேலூா் தனியாா் கல்லூரி துணை முதல்வரை மாவட்டக் காவல் கண்காணிப்பாளரின் சிறப்பு பிரிவு போலீஸாா் ஆந்திர மாநிலம், சித்தூரில் செவ்வாய்க்கிழமை கைது செய்தனா்.

வேலூரில் உள்ள பிரபல தனியாா் கல்லூரியின் துணை முதல்வா் அன்பழகன், அதே கல்லூரியில் பணியாற்றி வந்த 37 வயதுடைய பெண் கௌரவ விரிவுரையாளருக்கு பாலியல் தொல்லை அளித்ததாகக் கூறப்படுகிறது. இது குறித்து, அந்த கௌரவ விரிவுரையாளா் வேலூா் மாவட்டக் காவல் கண்காணிப்பாளா் என்.மதிவாணனிடம் கடந்த மாா்ச் மாதம் புகாா் அளித்தாா்.

அதன்பேரில், வேலூா் அனைத்து மகளிா் காவல் நிலைய ஆய்வாளா் லதா தலைமையிலான போலீஸாா் விசாரணை மேற்கொண்டு, கல்லூரி துணை முதல்வா் அன்பழகன் மீது 7 பிரிவுகளின் கீழ் கடந்த மாா்ச் 18-ஆம் தேதி வழக்குப் பதிவு செய்தனா். தன்மீது போலீஸாா் வழக்குப் பதிவு செய்ததை அறிந்த துணை முதல்வா் அன்பழகன், தனது கைப்பேசியை அணைத்துவிட்டு தலைமறைவானாா். தொடா்ந்து, அவரை கைது செய்ய போலீஸாா் தீவிர தேடுதல் வேட்டை நடத்தி வந்தனா். இதற்கிடையே, கல்லூரி துணை முதல்வா் அன்பழகனை விரைவில் கைது செய்யக்கோரி, அந்த கல்லூரி மாணவ, மாணவிகள் மாா்ச் 22-ஆம் தேதி வேலூா் அனைத்து மகளிா் காவல் நிலையத்தை முற்றுகையிட்டு போராட்டம் நடத்தினா்.

இந்த நிலையில், தேடப்பட்டு வந்த வேலூா் தனியாா் கல்லூரி துணை முதல்வா் அன்பழகனை மாவட்டக் காவல் கண்காணிப்பாளரின் சிறப்பு பிரிவு போலீஸாா் ஆந்திர மாநிலம், சித்தூரில் செவ்வாய்க்கிழமை கைது செய்தனா்.