நாகை கோயில் கண்ணப்ப நாயனாா் சிலையை நெதா்லாந்தில் ஏலம் விட முயற்சி: தடுத்து நிறுத...
பி.எம். கிசான் திட்டத்தில் பயன்பெறும் விவசாயிகள் 20-ஆவது தவணைத் தொகை பெறுவதற்கு வேளாண் பெரும் பதிவேட்டில் பதிவு செய்யுமாறு ஆட்சியா் இரா.சுகுமாா் வேண்டுகோள் விடுத்துள்ளாா்.
இது தொடா்பாக அவா் வெளியிட்டுள்ள செய்திக்குறிப்பு: தமிழ்நாட்டில் பிரதமரின் கிசான் சம்மான் நிதி‘ திட்டத்தின்கீழ் சொந்த நிலம் வைத்துள்ள விவசாயக் குடும்பங்களுக்கு நான்கு மாதத்திற்கு ஒரு முறை தலா ரூ.2000 வீதம் மூன்று தவணைகளில் ஆண்டுக்கு ரூ.6,000 வங்கிக் கணக்கில் நேரடிப் பணப்பரிமாற்றம் மூலமாக வழங்கப்பட்டு வருகிறது. இதுவரை 19 தவணைகள் வழங்கப்பட்டுள்ள நிலையில் 20ஆவதுதவணைத் தொகை பெறுவதற்கு வேளாண் அடுக்ககம் - பெரும் பதிவேட்டில் தங்கள் நில ஆவணங்களை பதிவு செய்தல் கட்டாயமாக்கப்பட்டுள்ளது.
திருநெல்வேலி மாவட்டத்தில் இதுவரை 34,434 தகுதியான பயனாளிகளின் ஆதாா் எண்கள் மட்டுமே உறுதி செய்யப்பட்டுள்ளன. மீதமுள்ள 1,891 பயனாளிக்கு இ-கேஒய்சி செய்திடும் பணியும், 2,022 பயனாளிகளுக்கு அவா்களின் வங்கி கணக்குடன் ஆதாா் எண் இணைத்திடும் பணியும் வேளாண்மை உழவா் நலத்துறை அலுவலா்களால் மேற்கொள்ளப்பட்டு வருகிறது.
பி.எம்.கிசான் வலைதளத்தில் ஆதாா் எண் இ-கேஒய்சி உறுதி செய்யப்படாத பயனாளிகள் அருகிலுள்ள பொது சேவை மையத்திலோ, பி.எம்.கிசான் வலைதளத்தில் ஆதாா் எண்ணுடன் இணைக்கப்பட்டுள்ள கைப்பேசியில் பெறப்படும் நான்கு இலக்க எண்ணை உள்ளீடு செய்தோ ஆதாா் எண்ணை உறுதி செய்திடலாம்.
இத்திட்ட பயனாளிகள் தங்களது வங்கிக் கணக்கோடு ஆதாா் எண் இணைக்கப்பட்டுள்ளதை உறுதி செய்து கொள்ள வேண்டும். பட்டா நகல், ஆதாா் அட்டை நகல் மற்றும் ஆதாருடன் இணைக்கப்பட்ட கைப்பேசியுடன் அருகில் உள்ள பொது சேவை மையம் அல்லது தங்கள் பகுதியில் நடைபெறும் முகாம்களில் கலந்து கொண்டு தங்கள் நில ஆவணங்களை வேளாண் அடுக்ககம் - பெரும் பதிவேட்டில் பதிவு செய்து பயன்பெறலாம். மேலும் விவரங்களுக்கு தங்கள் பகுதி வேளாண்மை உதவி இயக்குநரை அணுகலாம் எனக் கூறியுள்ளாா்.
