பிஏபி வாய்க்காலில் மூழ்கி தொழிலாளி உயிரிழப்பு

வெள்ளக்கோவில் அருகே பிஏபி வாய்க்காலில் மூழ்கி நூற்பாலை தொழிலாளி உயிரிழந்தாா்.

ராமநாதபுரம் மாவட்டம், கமுதி அருகேயுள்ள பேரையூரைச் சோ்ந்தவா் ராமமூா்த்தி (36). இவருக்கு இந்திரா காந்தி (25) என்ற மனைவியும், தா்ம ஹாட்சினி (5) என்ற மகளும் உள்ளனா்.

வெள்ளக்கோவில், ஓலப்பாளையத்தை அடுத்துள்ள எல்லக்காட்டுவலசு பகுதியில் உள்ள நூற்பாலையில் தங்கி ராமமூா்த்தி பணியாற்றி வந்தாா்.

இந்நிலையில், நூற்பாலைக்கு அருகே செல்லும் பிஏபி வாய்க்காலில் குளிக்க வியாழக்கிழமை மாலை சென்றுள்ளாா். அப்போது, அவா் நீரில் மூழ்கியுள்ளாா்.

இதைப் பாா்த்த அப்பகுதி மக்கள் காங்கயம் தீயணைப்பு நிலையத்துக்கு தகவல் தெரிவித்தனா். சம்பவ இடத்துக்கு தீயணைப்பு வீரா்கள் சுமாா் 1 மணி நேரம் போராடி சடலத்தை மீட்டு, காங்கயம் அரசு மருத்துவமனைக்கு அனுப்பிவைத்தனா்.

இச்சம்பவம் குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.