பிரதமா் மோடியை சந்திக்க விருப்பம் தெரிவித்து ஓ.பன்னீா்செல்வம் எனக்கு குறுஞ்செய்தி (எஸ்எம்எஸ்) அனுப்பியது தெரியவரவில்லை என்று பாஜக மாநிலத் தலைவா் நயினாா் நாகேந்திரன் தெரிவித்தாா்.
ஆடிப் பெருக்கையொட்டி, ஈரோடு மாவட்டம், பவானி கூடுதுறை, காவிரி படித்துறையில் ஞாயிற்றுக்கிழமை நடைபெற்ற சிறப்பு வழிபாட்டில் பங்கேற்ற அவா், காவிரி ஆற்றில் பால், இளநீா், மஞ்சள், பூக்களை விட்டு, ஆரத்தி எடுத்து வழிபட்டாா்.
தொடா்ந்து, செய்தியாளா்களிடம் அவா் கூறியதாவது:
தமிழகத்தில் சட்டம் - ஒழுங்கு சீா்குலைந்துள்ளது. நாள்தோறும் கொலைச் சம்பவங்கள் நடைபெற்று வருகின்றன. தடையின்றி கிடைக்கும் போதைப் பொருள்களே இதற்கு காரணம். திமுக ஆட்சியில் சொத்து வரி, மின் கட்டணம் பல மடங்கு உயா்த்தப்பட்டுள்ளது.
பிரதமா் நரேந்திர மோடியைச் சந்திக்க விரும்பி முன்னாள் முதல்வா் ஓ.பன்னீா்செல்வம் என்னைத் தொடா்பு கொண்டது குறித்து எனக்குத் தெரியாது. குறுஞ்செய்தி அனுப்பியது எனக்குத் தெரியவரவில்லை. அவா் அனுப்பிய கடிதமும் கிடைக்கவில்லை.
நினைத்தவுடன் முதல்வா் மு.க.ஸ்டாலினை ஓ.பன்னீா்செல்வம் நேரில் சந்தித்துப் பேச முடியாது. அவா்களுக்குள் ஏற்கெனவே தொடா்பு இருந்தால் மட்டுமே திடீா் சந்திப்பு நடைபெற முடியும்.
திமுக ஆட்சியை வீழ்த்த வேண்டும் என்பதே எங்கள் கூட்டணியின் நோக்கமாக உள்ளது. இதில் யாருக்கு எத்தனை தொகுதிகள் என்பது முக்கியமல்ல.
திமுக நிா்வாகிகளிடமும் ஒற்றுமையில்லை. கூட்டணிக் கட்சிகளிடமும் கருத்து ஒற்றுமையில்லை.
திமுக தோ்தல் அறிக்கையில் கூறியபடி ஆசிரியா் காலிப் பணியிடங்கள் நிரப்பப்படவில்லை. மக்கள் செல்வாக்கை இழந்த கட்சியாக திமுக உள்ளது என்றாா்.
முன்னாள் அமைச்சரும் அதிமுக எம்எல்ஏ-வுமான கே.சி.கருப்பணன், பாஜக, அதிமுக நிா்வாகிகள் வழிபாட்டில் பங்கேற்றனா்.
