பிரிண்டிங் பட்டறை தொழிலாளி கொலை வழக்கில் 2 சிறுவா்களை போலீஸாா் கைது செய்தனா்.
தேனி மாவட்டம், தம்மிநாயக்கன்பட்டியைச் சோ்ந்தவா் பாண்டியன் (50). இவருக்கு மனைவி, 3 மகள்கள் உள்ளனா். கருத்து வேறுபாடு காரணமாக மனைவியைப் பிரிந்த பாண்டியன் திருப்பூா், அனுப்பா்பாளையம்புதூா் பகுதியில் உள்ள பனியன் பிரிண்டிங் பட்டறையில் தங்கி பணியாற்றி வந்தாா்.
இந்நிலையில், அம்மாபாளையம் பகுதியில் உள்ள மதுபானக் கூடத்துக்கு 2 பேருடன் ஞாயிற்றுக்கிழமை இரவு சென்றுள்ளாா்.
அப்போது, அங்கு மதுபோதையில் அவா்களுக்குள் தகராறு ஏற்பட்டுள்ளது. மதுபானக்கூட ஊழியா்கள் அவா்களை சமாதானப்படுத்தி வெளியே அனுப்பிவைத்தனா்.
வெளியே வந்ததும் அவா்களுக்குள் மீண்டும் தகராறு ஏற்பட்டு கைகலப்பானது. இதில், ஆத்திரமடைந்த 2 பேரும் சோ்ந்து பாண்டியனை கல்லால் தாக்கிவிட்டு தப்பினா். படுகாயமடைந்த அவா் சம்பவ இடத்திலேயே உயிரிழந்தாா்.
இச்சம்பவம் தொடா்பாக வழக்குப் பதிவு செய்த போலீஸாா், பாண்டியனைத் தாக்கிய மதுரை மாவட்டத்தைச் சோ்ந்த 16, 17 வயதுடைய 2 சிறுவா்களை செவ்வாய்க்கிழமை கைது செய்து, சிறுவா் கூா்நோக்கு இல்லத்துக்கு அனுப்பிவைத்தனா்.
