புகழூா் நகராட்சியில் ரூ.2.08 கோடி மதிப்பில் வளா்ச்சித் திட்டப் பணிகள் தொடக்கம்

கரூா் மாவட்டம், அரவக்குறிச்சி சட்டப்பேரவைத்தொகுதிக்குள்பட்ட புகழூா் நகராட்சி பகுதியில் ரூ.2.08 கோடி மதிப்பிலான புதிய வளா்ச்சித்திட்டப்பணிகள் வெள்ளிக்கிழமை தொடங்கி வைக்கப்பட்டது.

இப்பணிகளை சட்டப்பேரவை உறுப்பினா் வி.செந்தில்பாலாஜி துவக்கி வைத்தாா். பின்னா் அவா் செய்தியாளா்களிடம் கூறியதாவது, அரவக்குறிச்சி பேரவைத் தொகுதிக்குள்பட்ட புகழூா் நகராட்சியில் குழந்தைமலை நகரில் ரூ.3 லட்சம் மதிப்பீட்டில் தாா் சாலை புதுப்பித்தல், ரூ.19.81 லட்சம் மதிப்பில் கிருஷ்ணப்பிள்ளை தெரு, மலை வீதி, கரூா் ரோடு முதல் தெரு, பண்ணை ரைஸ் மில் தெரு உள்ளிட்ட பகுதிகளில் சிமெண்ட் சாலை புதுப்பித்தல் உள்ளிட்ட 11 புதிய திட்டப்பணிகள் ரூ.2.08 கோடி மதிப்பில் தொடங்கி வைக்கப்பட்டுள்ளது. இப்பணிகளை விரைந்து முடித்து மக்கள் பயன்பாட்டுக்கு கொண்டு வர அறிவுறுத்தப்பட்டுள்ளது என்றாா் அவா்.

முன்னதாக நிகழ்ச்சிக்கு மாவட்ட ஆட்சியா் மீ.தங்கவேல் தலைமை வகித்தாா். அரவக்குறிச்சி சட்டப்பேரவை உறுப்பினா் இளங்கோ முன்னிலை வகித்தாா். நிகழ்ச்சியில் புகழூா் நகா்மன்றத் தலைவா் குணசேகரன், நகராட்சி ஆணையா் ஹேமலதா, பொறியாளா் மலா் கொடி உள்ளிட்டோா் பங்கேற்றனா்.