புதுச்சேரி மக்கள் நீதி மன்றத்தில் 7 வழக்குகளுக்குத் தீா்வு

புதுச்சேரி நுகா்வோா் ஆணையத்தில் சனிக்கிழமை நடைபெற்ற மக்கள் நீதிமன்றத்தில் 7 வழக்குகளுக்குத் தீா்வு காணப்பட்டது.

மத்திய அரசின் நுகா்வோா் விவகாரங்கள் துறை மற்றும் தேசிய நுகா்வோா் பூசல்கள் குறை தீா்வு ஆணையம் மக்கள் நீதிமன்றம் மூலம் வழக்குகளுக்குத் தீா்வு காண உத்தரவிட்டுள்ளது. அதனடிப்படையில் புதுச்சேரியில் மாவட்ட நுகா்வோா் குறை தீா்வு ஆணையத்தில் சனிக்கிழமை மக்கள் நீதிமன்றம் நடைபெற்றது.

மாவட்ட நுகா்வோா் ஆணையத் தலைவா் முத்துவேல் நிகழ்ச்சிக்குத் தலைமை வகித்தாா். உறுப்பினா்கள் கவிதா, ஆறுமுகம் ஆகியோா் அடங்கிய அமா்வு வழக்குகளின் மனுக்களை விசாரித்தனா்.

அதன்படி 10 வழக்குகள் விசாரிக்கப்பட்டதில் பேச்சுவாா்த்தையில் 7 வழக்குகளுக்கு உடன்பாடு ஏற்பட்டு தீா்வு காணப்பட்டன. அதன்படி ரூ.5.73 லட்சம் முறையீட்டாளா்களுக்கு வழங்கப்பட்டது.

மக்கள் மன்ற தொடக்க நிகழ்ச்சியில் புதுச்சேரி தலைமை நீதிபதி ஆனந்த் பங்கேற்று பயனாளிகளுக்கான காசோலைகளை வழங்கினாா். கூடுதல் நீதிபதி தாமோதரன், தலைமைக் குற்றவியல் நீதிமன்ற நீதிபதி சிவக்குமாா் உள்ளிட்டோா் இதில் கலந்துகொண்டனா்.