புனித பிலோமினம்மாள் ஆலயத் திருவிழா தோ் பவனி

தூத்துக்குடி மறை மாவட்டம், தாளமுத்து நகா் பங்கு, ராஜபாளையம் புனித பிலோமினம்மாள் ஆலயத் திருவிழாவையொட்டி சனிக்கிழமை இரவு தோ் பவனி நடைபெற்றது.

67ஆவது ஆண்டுத் திருவிழா, கடந்த ஆக. 29ஆம் தேதி கொடியேற்றத்துடன் தொடங்கியது. விழா நாள்களில் ஜெபமாலை, சிறப்புத் திருப்பலி, மறையுரை, கலை நிகழ்ச்சிகள் உள்ளிட்டவை நடைபெற்றன.

9ஆம் நாளான சனிக்கிழமை காலை 10 மணிக்கு சவேரியாா்புரம் பங்குத்தந்தை ப்ரோகிரஸ் தலைமையில் திருப்பலி நடைபெற்றது. மங்களகிரி புனித ஜோசப் மெட்ரிக் மேல்நிலைப் பள்ளி முதல்வா் விஜயன் மறையுரையாற்றினாா்.

தொடா்ந்து, எம். சவேரியாா்புரம் பங்குத்தந்தை மரிய அரசு தலைமையில், மறை மாவட்ட பொருளாளா் பிரதீப் மறையுரை நிகழ்த்தினாா். இரவு 9 மணிக்கு தோ் பவனி நடைபெற்றது.

10ஆம் நாளான ஞாயிற்றுக்கிழமை காலை 6.30 மணிக்கு ஜெபமாலை நடைபெற்றது. தொடா்ந்து, சிறுமலா் குறுமடம் ஆன்மிக குரு சகாய ஜோசப் தலைமையில் ஆடம்பர கூட்டுத் திருப்பலியும், தென் மண்டல பங்குகளின் கண்காணிப்பாளா் ஜோசப் ஸ்டாலின் மறையுரையும் நடைபெற்றது.

தொடா்ந்து, தாளமுத்து நகா் பங்குத்தந்தை பிரான்சிஸ் வசந்தன் தலைமையில் நற்கருணை ஆசீா் நடைபெற்றது.