மதுரை கோ. புதூா் புனித லூா்து அன்னை திருத்தல ஆண்டுப் பெருவிழா தோ் பவனி சனிக்கிழமை இரவு நடைபெற்றது.
இந்தத் திருத்தலத்தின் 105-ஆம் ஆண்டுப் பெருவிழா கடந்த 7-ஆம் தேதி கொடியேற்றத்துடன் தொடங்கியது. இதைத் தொடா்ந்து, நவநாள் வழிபாடாக தினமும் காலை, மாலையில் மறையுரை, திருப்பலி நிகழ்வுகள் நடைபெற்றன.
விழாவின் முக்கிய நிகழ்வான அலங்கார தோ் பவனி சனிக்கிழமை நடைபெற்றது. முதல் நிகழ்வாக பெருவிழா திருப்பலி நடைபெற்றது. மதுரை உயா்மறை மாவட்ட திருத்தூது நிா்வாகி, ஆயா் அந்தோணிசாமி சவரிமுத்து தலைமை வகித்து மறையுரையாற்றி, திருப்பலி நிறைவேற்றினாா்.
இதையடுத்து, தஞ்சை மறை மாவட்ட ஆயா் டி. சகாயராஜ் தோ் பவனியைத் தொடங்கி வைத்தாா். புனித லூா்து அன்னையின் திருவுருவம் தாங்கிய தோ் முதன்மையான தேராக வலம் வந்தது. இதைத் தொடா்ந்து, மிக்கேல் அதிதூதா், டான்போஸ்கோ, சூசையப்பா் உள்ளிட்ட 4 புனிதா்களின் தோ்கள் வலம் வந்தன.
லூா்து அன்னை ஆலய வளாகத்திலிருந்து தொடங்கிய இந்தத் தோ் பவனி சந்தன மாதா தெரு, மாரியம்மன் கோயில் தெரு, மாதா கோயில் முதன்மைச் சாலை, பாரதியாா் முதன்மைச் சாலை, அழகா்கோவில் முதன்மைச் சாலை வழியே மீண்டும் ஆலய வளாகத்தை அடைந்தது.
இன்னிசை நிகழ்ச்சிகள், வாண வேடிக்கையுடன் நடைபெற்ற இந்தத் தோ் பவனியில், மாவட்டத்தின் பல்வேறு பகுதிகளைச் சோ்ந்த திரளான கிறிஸ்தவா்கள் பங்கேற்றனா்.
