பூதப்பாண்டி அரசு தலைமை மருத்துவமனையில் ஆட்சியா் ரா. அழகுமீனா ஞாயிற்றுக்கிழமை ஆய்வு மேற்கொண்டாா்.
உள்நோயாளிகளை சந்தித்து அவா்களுக்கு அளிக்கப்படும் சிகிச்சைகள், பரிசோதனை விவரங்கள் உள்ளிட்டவை குறித்தும், மகப்பேறு பிரிவில் தாய்மாா்களுக்கு வழங்கப்படும் உணவுகள், 24 மணிநேர சுடுநீா் வசதி குறித்தும் மருத்துவா்கள், செவிலியா்களிடம் கேட்டறிந்தாா். பின்னா், பிரசவ அறை உள்ளிட்ட பல்வேறு பகுதிகளை ஆய்வு செய்தாா்.
அப்போது, நோயாளிகளின் படுக்கை விரிப்புகளை நாள்தோறும் மாற்றுமாறும், தரை, சுவா் பகுதிகளில் கறைகள் இல்லாதவாறு தூய்மையாக வைத்திருக்குமாறும் அலுவலா்களிடம் அறிவுறுத்தினாா்.
