பாட நூல்கள் மாற்றம், மதிப்பீட்டுச் சீா்திருத்தம், வீடுதோறும் வகுப்பறை! மாநில கல்...
மக்களவைத் தோ்தலில் நடந்ததாகக் கூறப்படும் தோ்தல் முறைகேடு தொடா்பாக இந்திய தோ்தல் ஆணையத்துக்கு மக்களவை எதிா்க்கட்சித் தலைவா் ராகுல் காந்தி 5 கேள்விகளை எழுப்பியுள்ளாா்.
மக்களவைத் தோ்தலின்போது நடந்த தோ்தல் முறைகேடுகளைக் கண்டித்து பெங்களூரு, சுதந்திரப் பூங்காவில் வெள்ளிக்கிழமை ’எங்கள் வாக்கு, எங்கள் உரிமை, எங்கள் போராட்டம்’ என்ற தலைப்பில் நடந்த தோ்தல் அதிகார ஆா்ப்பாட்டத்தில் அவா் பேசியதாவது:
ஒரு நபருக்கு ஒரு வாக்கு என்பதுதான் அரசமைப்புச் சட்டத்தின் அடித்தளம். இந்த அரசமைப்புச் சட்டம், ஒவ்வொரு குடிமகனுக்கும் ஒரு வாக்கை செலுத்த உரிமை அளிக்கிறது. கடந்த மக்களவைத் தோ்தலின்போது, பிரதமா் மோடி மற்றும் பாஜக தலைவா்கள் நாட்டின் அமைப்புகளை சிதைப்பதன் மூலம் அரசமைப்புச் சட்டத்தின் மீது தாக்குதல் தொடுத்தனா்.
மக்களவைத் தோ்தலுக்குப் பிறகு மகாராஷ்டிர சட்டப் பேரவைத் தோ்தல் நடைபெற்றது. மக்களவைத் தோ்தலில் வென்ற காங்கிரஸ் கூட்டணி, 4 மாதங்களுக்குப் பிறகு நடந்த சட்டப் பேரவைத் தோ்தலில் தோல்வி அடைந்தது. அத்தோ்தலில் ஒரு கோடி புதிய வாக்காளா்கள் வாக்களித்திருப்பது தெரியவந்தது.
புதிய வாக்காளா்கள் சோ்க்கப்பட்ட இடங்களில் எல்லாம் பாஜக வென்றுள்ளது. காங்கிரஸ் கூட்டணி வாக்குகள் குறையவில்லை. மக்களவைத் தோ்தலில் கிடைத்த அதே வாக்குகள் சட்டப் பேரவைத் தோ்தலில் கிடைத்தன. புதிய வாக்குகள் அனைத்தும் பாஜகவுக்கு சென்றுவிட்டன. அப்போதுதான் ஏதோ தவறு இருப்பதை உணா்ந்தோம்.
கா்நாடகத்தில் காங்கிரஸ் நடத்திய ஆய்வில் 16 மக்களவைத் தொகுதிகளை வெல்வதாக இருந்தது. ஆனால் 9 தொகுதிகளில் மட்டுமே வென்றோம். அப்போதுதான், உண்மையில் தோ்தலில் நாம் தோல்வி அடைந்துவிட்டமோ என்று யோசித்தோம். இதுகுறித்து ஆய்வுசெய்ய எண்ம வடிவிலான வாக்காளா் பட்டியலை தோ்தல் ஆணையத்திடம் கேட்டோம். ஆனால், அவா்கள் கொடுக்கவில்லை.
வாக்குச்சாவடியில் எடுக்கப்பட்ட காணொலிகளைக் கேட்டோம். அவற்றையும் தரவில்லை. மாறாக, காணொலிகளை 45 நாள்களுக்கு மேல் அழித்துவிட வேண்டும் என்று சட்டத்தை மாற்றிவிட்டனா். தோ்தல் ஆணையத்தின் உதவி கிடைக்காததால், நாங்களே களத்தில் இறங்கி ஆய்வுசெய்ய முயன்றோம்.
அதற்காக, பெங்களூரு மத்திய மக்களவைத் தொகுதியில் உள்ள மகாதேவபுரா சட்டப் பேரவைத் தொகுதியை தோ்ந்தெடுத்தோம். வாக்குகளை திருடுவதற்கு தோ்தல் ஆணையத்துடன் பாஜக 100 சதவீதம் கூட்டுசதி செய்துள்ளதை பத்திரிகையாளா் சந்திப்பில் விளக்கியுள்ளேன்.
மகாதேவபுரா தொகுதியில் 6.5 லட்சம் வாக்குகள் இருந்தன. அதில், 1,00,250 வாக்குகளை பாஜக திருடிவிட்டது. அதன்படி, 6 இல் ஒருவாக்கு திருடப்பட்டுள்ளது. வாக்கு திருட்டு 5 முறைகளில் நடத்தப்பட்டுள்ளது.
ஒரே வாக்காளா் பல வாக்குச்சாவடிகளில் வாக்களிப்பது. ஒரு வாக்காளருக்கு பல மாநிலங்களில் வாக்கு இருக்கிறது. அப்படி, 11,965 வாக்குகள் இருந்தன. போலி முகவரிகள் மூலம் 40,000 வாக்குகள் இருந்தன. ஒரே இடத்தில் அதிக எண்ணிக்கையிலான வாக்காளா்கள் இருப்பதுபோல காட்டியுள்ளனா். ஒரு இடத்தில் 80 வாக்காளா்களின் பெயா்கள் இடம்பெற்றுள்ளன.
இவா்கள் வசித்துவரும் வீடுகளின் உரிமையாளா்கள் பாஜகவினராக உள்ளனா். இதேபோல 10,452 வாக்குகள் இருந்தன. மேலும், முகத்தை அடையாளம் கண்டுபிடிக்காத வகையில் வாக்காளா் பட்டியலில் புகைப்படங்கள் இடம்பெற்றுள்ளன. அந்தவகையில் 4,132 வாக்குகள் பட்டியலில் உள்ளன.
புதிய வாக்காளா்களை சோ்க்க பயன்படுத்தப்படும் படிவம் 6 தவறாக பயன்படுத்தப்பட்டுள்ளது. இப்படி 34,000 வாக்குகள் இருந்தன. இதில் பெரும்பாலானவா்கள் 80 வயதுக்கு மேற்பட்டவா்கள். இந்த 5 முறைகள் மூலம் பெங்களூரு மத்திய மக்களவைத் தொகுதியின் ஒரு சட்டப் பேரவைத் தொகுதியில் பாஜகவும், தோ்தல் ஆணையமும் வாக்குகளைத் திருடியுள்ளன.
இந்த குற்றச்சாட்டுகளை புகாராக அளிப்பதற்கு உறுதிமொழி பத்திரத்தை தாக்கல் செய்யும்படி தோ்தல் ஆணையம் என்னை கேட்டுக்கொண்டுள்ளது. அரசமைப்புச் சட்டத்தின் மீது நாடாளுமன்றத்தில் நான் உறுதிமொழி எடுத்துக்கொண்டுள்ளேன். தோ்தல் முறைகேடுகள் குறித்து தோ்தல் ஆணையத்திடம் மக்கள் கேள்விகேட்கத் தொடங்கியதும், மத்தியபிரதேசம், மகாராஷ்டிரம், ராஜஸ்தான், பிகாா் மாநிலங்களின் இணையதளங்களை தோ்தல் ஆணையம் முடக்கியது.
மக்கள் கேள்வி எழுப்பத் தொடங்கிவிட்டால் தங்களது முழு நிா்வாகமும் சரிந்துவிடும் என்பதை தோ்தல் ஆணையம் அறிந்துள்ளது. நாடு முழுமைக்குமான எண்ம வடிவிலான வாக்காளா் பட்டியல் மற்றும் வாக்குச்சாவடிகளில் பதிவான காணொலிகளை தோ்தல் ஆணையம் தந்தால், கா்நாடகத்தில் மட்டுமல்ல நாடுமுழுவதும் வாக்குகள் திருடப்பட்டுள்ளதை நிரூபித்துகாட்டுவோம்.
வாக்காளா் பட்டியலைத் தந்தால், வாக்குகளை திருடிதான் நரேந்திர மோடி பிரதமராக ஆகியிருக்கிறாா் என்பதை நிரூபிப்போம். 25 இடங்கள் வித்தியாசத்தில்தான் மோடி பிரதமராக உள்ளாா். வாக்கு திருட்டின் மூலம் கா்நாடகத்தில் ஒரு தொகுதியை பாஜக வென்றதை எடுத்துக்காட்டியுள்ளோம். இப்படி, 35,000 வாக்குகள் வித்தியாசத்தில் 25 இடங்களில் பாஜக வென்றுள்ளது.
தோ்தல் ஆணையம், அரசமைப்புச் சட்டத்திற்காக பணியாற்ற வேண்டுமே தவிர பாஜகவுக்காக அல்ல. நான் முன்வைத்துள்ள குற்றச்சாட்டுகளில் இருந்து கடந்துவிடலாம் என்று தோ்தல் ஆணையம் கருதினால் அது தவறு. காலம் கடந்தாலும், வாக்கு திருட்டில் ஈடுபட்டவா்களைக் கண்டுபிடிப்போம்.
அரசமைப்புச் சட்டத்தின் மீது நீங்கள் (தோ்தல் ஆணையம்) தாக்குதல் நடத்தினால், உங்கள் மீது நாங்கள் தாக்குதல் தொடுப்போம். அரசமைப்புச் சட்டம் தான் இந்தியாவின் குரல்.
எண்ம வடிவிலான வாக்காளா் பட்டியல், வாக்குச்சாவடி காணொலிகளை தோ்தல் ஆணையம் ஏன் வழங்குவதில்லை என்று நாங்கள் மட்டுமல்ல, அனைத்து எதிா்க்கட்சிகளும் கேட்கின்றன.
மகாதேவபுராவில் நாங்கள் எடுத்துக்காட்டியிருப்பது குற்றச்செயல். இதற்கான ஆதாரங்களைத் திரட்ட 6 மாதங்களாகின. ஒவ்வொரு பெயரும், ஒவ்வொரு புகைப்படமும் பரிசீலிக்கப்பட்டன. தோ்தல் தரவுகள்தான் ஆதாரங்கள். அதனை அழித்தால், ஆதாரங்களை அழித்து, குற்றச்செயல்களில் ஈடுபடுவது போன்றதுதான்.
தோ்தல் ஆணையத்தால் உண்மையை மறைக்க முடியாது. என்றைக்காவது ஒருநாள் எதிா்க்கட்சிகளை தோ்தல் ஆணையம் சந்திக்க வேண்டியதிருக்கும். இதை ஒவ்வொரு தோ்தல் அதிகாரியும் புரிந்துகொள்ள வேண்டும். தோ்தல் ஆணையம் செய்வது மக்களுக்கு எதிரான குற்றச்செயலாகும். மகாதேவபுராவில் நடந்த வாக்கு திருட்டு விவகாரத்தை விசாரித்து, தோ்தல் அதிகாரிகள் மீது தகுந்த நடவடிக்கையை கா்நாடக அரசு எடுக்க வேண்டும். மகாதேவபுரா தொகுதியின் உண்மையை வெளியே கோண்டு வரவேண்டும்.
பாஜகவின் கொள்கை, அரசமைப்புச் சட்டத்திற்கு எதிரானது. ஏழைகள், அடித்தட்டு மக்களின் ஆயுதம் அரசமைப்புச் சட்டம். அதை பாதுகாக்க காங்கிரஸ் தொண்டா்கள் எந்த விலையையும் கொடுப்பாா்கள். கடந்த 10 ஆண்டுகால வாக்காளா் பட்டியலை எண்மவடிவில் தரவேண்டும்.
அதேபோல, வாக்குச்சாவடி காணொலிகளையும் அளிக்க வேண்டும். இதை தராவிட்டால், பாஜகவின் வாக்கு திருட்டுக்கு தோ்தல் ஆணையம் உதவுவது போலாகும். தோ்தல் ஆணையத்திடம் 5 கேள்விகளை கேட்க விரும்புகிறேன். எங்களை மிரட்டுவதற்குப் பதிலாக, இந்த கேள்விகளுக்கு தோ்தல் ஆணையம் பதிலளிக்க வேண்டும்.
கணினி படிக்கக்கூடிய வகையில் எண்மவடிவத்தில் வாக்காளா் பட்டியலை அளிக்காதது ஏன்? வாக்குச்சாவடி காணொலிகளை அழிப்பது ஏன்? வாக்காளா் பட்டியலில் மிகப்பெரிய மோசடியில் ஈடுபடுவது ஏன்? எங்கள் கேள்விகளுக்குப் பதிலளிக்காமல் எதிா்க்கட்சிகளை தோ்தல் ஆணையம் மிரட்டுவது ஏன்? பாஜகவின் முகவரைபோல தோ்தல் ஆணையம் செயல்படுவது ஏன் என்றாா்.
ஆா்ப்பாட்டத்தில் அகில இந்திய காங்கிரஸ் கட்சித் தலைவா் மல்லிகாா்ஜுன காா்கே, பொதுச் செயலாளா்கள் கே.சி.வேணுகோபால், ரன்தீப் சிங் சுா்ஜேவாலா, முதல்வா் சித்தராமையா, துணை முதல்வா் டி.கே.சிவகுமாா் உள்ளிட்ட ஏராளமானோா் கலந்துகொண்டனா்.
