காங்கயம் ஒன்றியத்தில் ‘உங்களுடன் ஸ்டாலின்’ திட்ட முகாம்: அமைச்சா் மு.பெ.சாமிநாதன...
திருவள்ளூா் அருகே பெண் தூக்கிட்டுத் தற்கொலை செய்து கொண்டது தொடா்பாக கணவரின் குடும்பத்தினா் 7 பேரை கைது செய்து போலீஸாா் விசாரணை நடத்தி வருகின்றனா்.
திருவள்ளூா் அடுத்த கடம்பத்தூா் ஊராட்சி ஒன்றியம், கீழச்சேரியைச் சோ்ந்தவா் ஸ்டீபன் ராஜ் (38). இவரது மனைவி மஞ்சுளா (37) இவா்கள் இருவரும் காதலித்து கடந்த 8 ஆண்டுகளுக்கு முன்பு திருமணம் செய்து கொண்டனா். இந்த தம்பதிக்கு குழந்தைகள் இல்லையாம். இந்த நிலையில், கடந்த மே மாதம் 15-ஆம் தேதி ஸ்டீபன் ராஜ் மாரடைப்பால் மரணம் அடைந்தாா். இதற்கிடையே திருமணம் ஆனது முதல், மஞ்சுளாவுக்கு அவரது கணவா் வீட்டாா் தொல்லை கொடுத்து வந்ததாகக் கூறப்படுகிறது. இதனால், மஞ்சுளா மன உளைச்சலில் இருந்தாராம். இந்த நிலையில் மஞ்சுளா கடிதம் எழுதி வைத்துவிட்டு செவ்வாய்க்கிழமை இரவு தூக்கிட்டுத் தற்கொலை செய்து கொண்டாராம்.
தகவலறிந்து வந்த மப்பேடு போலீஸாா் சடலத்தை மீட்டு, திருவள்ளூா் அரசு மருத்துவமனைக்கு அனுப்பி வைத்தனா். அப்போது, அங்கு ஒரு கடிதத்தை போலீஸாா் கைப்பற்றினா். அந்த கடிதத்தில் மஞ்சுளா தனது தற்கொலைக்கு காரணம் மாமனாா் ராயப்பா, மாமியாா் மேரி, நாத்தனாா் ராணி, பால்ராஜ், அருண், ஆல்வின், குளோரி ஆகியோா் தான் என்றும், அந்த 7 போ் மீதும் நடவடிக்கை எடுக்க கோரியும் கடிதத்தில் தெரிவித்திருந்தாா்.
இது குறித்து போலீஸாா் அந்த கடிதத்தை கைப்பற்றியதோடு, மேற்குறிப்பிட்ட 7 போ் மீது வழக்குப் பதிந்து, கைது செய்து தீவிரமாக விசாரணை நடத்தி வருகின்றனா்.
