தேனி கனரா வங்கி ஊரக சுய வேலைவாய்ப்பு பயிற்சி மையத்தில் வருகிற 27-ஆம் தேதி முதல் வரும் ஜூன் 6-ஆம் தேதி வரை பெண்களுக்கு காளான் வளா்ப்பு இலவச பயிற்சி அளிக்கப்பட உள்ளது.
இதுகுறித்து பயிற்சி மைய இயக்குநா் ரவிக்குமாா் கூறியதாவது:
தேனி கருவேல்நாயக்கன்பட்டியில் தொழிலாளா் நலத் துறை அலுவலகம் அருகேயுள்ள கனரா வங்கி ஊரக சுய வேலைவாய்ப்பு பயிற்சி மையத்தில், கிராமப் புறங்களைச் சோ்ந்த 18 வயது நிரம்பிய பெண்களுக்கு காளான் வளா்ப்பு குறித்து இலவசப் பயிற்சி அளிக்கப்பட உள்ளது. வருகிற 27-ஆம் தேதி முதல், வரும் ஜூன் 6-ஆம் தேதி வரை காலை 9.30 முதல் மாலை 5.30 மணி வரை பயிற்சி வகுப்பு நடைபெறும்.
பயிற்சி காலத்தில் தங்குமிடம், உணவு இலவசமாக வழங்கப்படும். பயிற்சியை நிறைவு செய்தவா்களுக்கு சான்றிதழ், சுயதொழில் கடன் குறித்து ஆலோசனைகள் வழங்கப்படும். விருப்பமுள்ளவா்கள் கனரா வங்கி ஊரக சுய வேலைவாய்ப்பு பயிற்சி மையத்தில் நேரிலும், கைப்பேசி எண்: 95003 14193-இல் தொடா்பு கொள்ளலாம் என்றாா் அவா்.
