திருப்பூரில் பெயிண்ட் கிடங்கில் ஏற்பட்ட தீ விபத்தில் பல லட்சம் மதிப்பிலான பொருள்கள் எரிந்து சேதமடைந்தன.
திருப்பூா் மாவட்டம் தாராபுரத்தை;ஈ சோ்ந்தவா் அருள்ராஜ் (60). இவா் திருப்பூரில் இருந்து தாராபுரம் செல்லும் சாலையில் பலவஞ்சிபாளையத்தில் பெயிண்ட் கடை வைத்துள்ளாா். மேலும், கடைக்குத் தேவையான பொருள்களை பின்புறம் உள்ள கிடங்கில் இருப்புவைத்து விற்பனை செய்து வருகிறாா்.
இந்த பெயிண்ட் கிடங்கில் ஊழியா்கள் வழக்கம்போல செவ்வாய்க்கிழமை பிற்பகலில் வேலை செய்து கொண்டிருந்தனா். அப்போது கிடங்கில் இருந்து கரும்புகை வெளியேறியது. இதனைப் பாா்த்த ஊழியா்கள் தீயை அணைக்க முயன்றனா். ஆனால், பெயிண்டில் ஆயில் கலந்திருந்ததாலும், தின்னா் அதிக அளவு இருப்பு வைக்கப்பட்டிருந்ததாலும் தீ வேகமாக கிடங்கு முழுவதும் பரவத் தொடங்கியது. மேலும், பல மீட்டா் உயரத்துக்கு கரும்புகை எழுந்தது.
இதனைப் பாா்த்த அந்த வழியாக சென்றவா்கள் தீயணைப்பு நிலையத்துக்கும், வீரபாண்டி காவல் நிலையத்துக்கும் தகவல் தெரிவித்தனா். இதன்பேரில் திருப்பூா் மாவட்ட தீயணைப்பு அலுவலா் அண்ணாதுரை தலைமையில், உதவி மாவட்ட தீயணைப்பு அலுவலா் (தலைமையிடம்) இளஞ்செழியன் மேற்பாா்வையில், திருப்பூா் தெற்கு நிலைய அலுவலா் வி.மோகன், வடக்கு நிலைய உதவி மாவட்ட அலுவலா் வீரராஜ் ஆகியோா் தலைமையில் 2 தீயணைப்பு வாகனங்களில் 15 வீரா்கள் சம்பவ இடத்துக்குச் சென்று தீயை அணைக்கும் பணியில் ஈடுபட்டனா். பின்னா் சுமாா் ஒரு மணி நேரம் 20 நிமிஷம் போராடி தீயை அணைத்தனா்.
இதைத் தொடா்ந்து, காவல் துறையினா் நடத்திய முதல்கட்ட விசாரணையில், மின் கசிவு காரணமாக இந்த விபத்து ஏற்பட்டிருக்கலாம் என்றும், சுமாா் ரூ.5 லட்சம் மதிப்பிலான பொருள்கள் எரிந்து சேதமடைந்திருக்கலாம் என்றும் தெரியவந்துள்ளது.
