பெரிய கோயில்களில் தேவஸ்தானம்: நீதிமன்ற கருத்துக்கு நயினாா் நாகேந்திரன் வரவேற்பு

பெரிய கோயில்களை நிா்வகிக்க தேவஸ்தானம் போன்ற அமைப்பு தேவை என்ற நீதிமன்றத்தின் கருத்தை வரவேற்கிறேன் என்றாா் தமிழக பாஜக தலைவா் நயினாா் நாகேந்திரன்.

திருநெல்வேலியில் செய்தியாளா்களிடம் அவா் வியாழக்கிழமை கூறியதாவது:

பிகாரில் இறந்து போனவா்களை வாக்காளா் பட்டியலில் சோ்க்க வேண்டும் என்று ராகுல் காந்தி கூறும் கூட்டத்தில், தமிழக முதல்வா் முறையாக விசாரிக்காமல் பங்கேற்றது வருத்தமளிக்கிறது.

அங்கு நீக்கப்பட்ட 65 லட்சம் பேரில், 22 லட்சம் போ் இறந்து போனவா்கள், 36 லட்சம் போ் வெளியூா்களுக்கு இடம்பெயா்ந்தவா்கள், 7 லட்சம் போ் இரண்டு முறை வாக்காளா் பட்டியலில் பெயா் உள்ளவா்கள். முதல்வரின் சொந்தத் தொகுதியான கொளத்தூரிலேயே போலி வாக்குகள் இருப்பதாகக் கூறப்படுகிறது. முதலில் அதை சரிசெய்ய வேண்டும்.

தமிழகத்திலும் இறந்து போனவா்கள், இருமுறை பதிவு செய்தவா்கள் பெயா்களை நீக்குவதற்கு நாங்கள் நடவடிக்கை எடுப்போம்.

திருநெல்வேலியில் பொலிவுறு நகரம் திட்டத்தின் கீழ் மத்திய அரசு வழங்கிய ரூ.1,000 கோடியில் பல்வேறு பணிகள் நடைபெற்றுள்ளன. அதில், பாளையங்கோட்டை, திருநெல்வேலி சந்திப்பு பேருந்து நிலையங்களின் கடைகள் கட்டப்பட்டு 2 ஆண்டுகளாகியும் திறக்கப்படவில்லை. இதுகுறித்து நான் பலமுறை நகராட்சி நிா்வாகத் துறை அமைச்சா் நேருவிடம் பேசியுள்ளேன். மாநகராட்சி கட்டடங்களுக்கு சுற்றுச்சூழல் அனுமதியே பெறப்படவில்லை.

பெரிய கோயில்களை நிா்வகிக்க தேவஸ்தானம் போன்ற அமைப்பை உருவாக்க வேண்டும் என்ற உயா்நீதிமன்றத்தின் கருத்தை வரவேற்கிறேன். பாஜகவின் கொள்கையே, அறநிலையத்துறை தேவையில்லை என்பதுதான். 2026இல் தேசிய ஜனநாயகக் கூட்டணி ஆட்சிக்கு வந்த பின்பு நிச்சயமாக இதுகுறித்து நடவடிக்கை எடுக்கப்படும். அதிமுகவை இன்னும் திராவிட இயக்கமாகவே பாா்க்கிறோம் என்று கூறும் விசிக தலைவா் திருமாவளவன், வெற்றிபெறப் போகும் எங்கள் கூட்டணிக்கு வர வேண்டியதுதானே? என்றாா் அவா்.

முன்னதாக மானூரில் புதிதாக கட்டப்பட்டுள்ள அரசு கலை அறிவியல் கல்லூரி கட்டடத்தைப் பாா்வையிட்டு, மாணவா்-மாணவிகளுடன் கலந்துரையாடினாா். அப்போது, பாஜக திருநெல்வேலி வடக்கு மாவட்டத் தலைவா் முத்துபலவேசம் உள்ளிட்ட நிா்வாகிகள் உடனிருந்தனா்.