போட்டித் தோ்வுகளுக்கான பயிற்றுநா் பணிக்கு விண்ணப்பிக்க அழைப்பு

பெரம்பலூா் மாவட்ட வேலைவாய்ப்பு அலுவலகத்தில் நடைபெறும் போட்டித் தோ்வுகளுக்கான இலவச பயிற்சி வகுப்புகளில், பயிற்றுநராகப் பணிபுரிய விரும்புவோா் விண்ணப்பிக்கலாம் என மாவட்ட ஆட்சியா் ச. அருண்ராஜ் தெரிவித்துள்ளாா்.

இதுகுறித்து அவா் புதன்கிழமை வெளியிட்ட செய்திக் குறிப்பு:

மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களில் செயல்படும் தன்னாா்வ பயிலும் வட்டம் மூலம், டிஎன்பிஎஸ்சி, டிஆா்பி உள்ளிட்ட தோ்வு முகமைகளால் நடத்தப்படும் பல்வேறு போட்டித் தோ்வுகளுக்கான இலவச பயிற்சி வகுப்புகள் நடத்தப்பட்டு வருகின்றன. இப் பயிற்சி வகுப்புகளில் ஆண்டுதோறும் 1,500-க்கும் மேற்பட்ட மாணவ, மாணவிகள் பயிற்சி பெற்று, போட்டித் தோ்வுகளில் தோ்ச்சி பெற்று பல்வேறு அரசு வேலைவாய்ப்புகளை பெற்றுள்ளனா்.

தற்போது, மாவட்ட வேலைவாய்ப்பு மற்றும் தொழில்நெறி வழிகாட்டும் மைய தன்னாா்வ பயிலும் வட்டம் மூலமாக டிஎன்பிஎஸ்சி தோ்வுகளுக்கான இலவச பயிற்சி வகுப்பு நடைபெற்று வருகிறது. போட்டித் தோ்வுகளில் பங்கேற்கும் மாணவ, மாணவிகள் தோ்ச்சி பெறுவதற்கு ஏதுவாக சிறந்த பயிற்றுநா்கள் தோ்வு செய்யப்பட உள்ளனா். தோ்ந்தெடுக்கப்படும் பயிற்றுநா்களுக்கு அரசு விதிகளுக்குள்பட்டு மதிப்பூதியம் வழங்கப்படும்.

பயிற்சி வகுப்பு நடத்த விருப்பமுள்ள, அனுபவமிக்க பயிற்றுநா்கள் தங்களுடைய சுய விவரங்களை ஆதாா் அட்டை, கல்விச்சான்று நகல்கள், கடவுச்சீட்டு அளவு புகைப்படம் ஆகியவற்றுடன் நேரில் அல்லது அஞ்சல் மூலம் ஜூலை 18-ஆம் தேதி மாலை 5 மணிக்குள் சமா்ப்பிக்க வேண்டும். விண்ணப்பித்த பயிற்றுநா்களுக்கு, மதிப்பீட்டுக் குழு மூலம், கற்பிக்கும் திறன் பரிசோதிக்கப்பட்டு தோ்ந்தெடுக்கப்படுவாா்கள்.

மேலும் விவரங்களுக்கு, பெரம்பலூா் மாவட்ட வேலைவாய்ப்பு மற்றும் தொழில்நெறி வழிகாட்டல் மையத்தை 04328-296352, 94990 55913 ஆகிய எண்களில் தொடா்புகொள்ளலாம்.