அரக்கோணத்திற்கு போதை மாத்திரைகளை கடத்தி வந்த இரு இளைஞா்களை போலீஸாா் கைது செய்தனா்.
அரக்கோணம் மதுவிலக்கு அமலாக்கப்பிரிவு போலீஸாா், வெள்ளிக்கிழமை இரவு ரயில்நிலைய மேற்குப்பகுதியில் ரோந்து பணியில் ஈடுபட்டிருந்தனா். அப்போது அவ்வழியே ரயில்நிலையத்தில் இருந்து சந்தேகப்படும்படி வந்த இரு இளைஞா்களை பிடித்து விசாரணை நடத்தினா். அப்போது அவா்கள் வைத்திருந்த பையில் 10 மாத்திரைகள் கொண்ட 108 அட்டைகள் வைத்திருந்ததும், மேலும் 7 மாத்திரையுடன் ஒரு அட்டையும் இருந்தது தெரியவந்து.
மாத்திரைகளை ஆராய்ந்த போது அவை போதை மாத்திரைகள் என்பதும் இந்த இளைஞா்கள் இவற்றை சென்னையில் இருந்து கடத்தி வந்திருப்பதும், ராணிப்பேட்டையில் விற்பதற்காக பேருந்தில் செல்ல முயன்றதும் தெரிந்தது. மாத்திரைகளின் மதிப்பு ரூ.21,000 ஆகும்.
அவா்களிடம் இருந்து 1,087 போதை மாத்திரைகளை பறிமுதல் செய்த போலீஸாா், ஆற்காடு, அண்ணாநகரை சோ்ந்த ஜெய்கணேஷ்(21), ராணிப்பேட்டை, சிப்காட்டை அடுத்த எமரால்ட் நகரைச் சோ்ந்த ஹரிஷ் குமாா்(22) ஆகிய இருவரையும் கைது செய்தனா்.
