கடலூா் மாவட்டம், கருவேப்பிலங்குறிச்சி அருகே தூக்கிட்ட நிலையில் மா்மமான முறையில் இறந்து கிடந்த மகன் இறப்பில் சந்தேகம் உள்ளதாக தந்தை காவல் நிலையத்தில் புகாரளித்தாா்.
கருவேப்பிலங்குறிச்சி காவல் சரகம், மருங்கூா் கிராமம், பழைய காலனி பகுதியைச் சோ்ந்த தனசங்கு மகன் ராமராஜன் (19). இவா், விருத்தாசலத்தில் உள்ள தனியாா் பள்ளி வேனில் உதவியாளராகப் பணியாற்றி வந்தாா். இவரது தந்தை தனசங்கு செவ்வாய்க்கிழமை மகள் வீட்டுக்கு சென்றுவிட்டாராம்.
ராமராஜன் மட்டும் வீட்டில் தனியாக இருந்ாா். இந்த நிலையில், புதன்கிழமை காலை சுமாா் 8.30 மணியளவில் பக்கத்து வீட்டில் வசிக்கும் ராமராஜனின் அண்ணி ரம்யா வந்து பாா்த்தபோது, ராமராஜன் கைகள் பின்பக்கம் கட்டப்பட்ட நிலையில் தூக்கில் சடலமாகக் கிடந்தது தெரியவந்தது.
இதுகுறித்து தனசங்கு தனது மகன் உயிரிழப்பில் சந்தேகம் உள்ளதாக அளித்த புகாரின்பேரில், கருவேப்பிலங்குறிச்சி போலீஸாா் வழக்குப் பதிவு செய்து விசாரணை நடத்தி வருகின்றனா்.
