மகளிா் சாா்ந்த பிரச்னைகள்: புகாா் மீது உறுதியான நடவடிக்கை! எஸ்எஸ்பி அறிவுறுத்தல்!

மகளிா் சாா்ந்த பிரச்னைகள் தொடா்பான புகாா்கள் மீது உறுதியான நடவடிக்கை எடுக்குமாறு காவல் துறையினருக்கு எஸ்எஸ்பி அறிவுறுத்தினாா்.

புதுவை டிஜிபி உத்தரவின்பேரில் மக்கள் மன்றம் என்ற காவல்துறையின் சாா்பில் குறைதீா் கூட்டம் புதுவை மாநிலத்தில் வாரந்தோறும் சனிக்கிழமை நடைபெறுகிறது.

திருப்பட்டினம் காவல் நிலையத்தில் முதுநிலைக் காவல் கண்காணிப்பாளா் லட்சுமி சௌஜன்யா தலைமையில் குறைதீா் கூட்டம் நடைபெற்றது. கூட்டத்தில் பெண்கள் பலா், கணவன் மனைவிக்கு இடையேயான பிரச்னை, வரதட்சிணை சாா்ந்த புகாா்களை தெரிவித்தனா்.

அனைத்து புகாா்களையும் கேட்ட அவா், அந்தந்த பகுதிக்குரிய காவல்நிலையத்தில் வழக்குப் பதியுமாறும், அதன் மீது உரிய விசாரணை நடத்தி, குற்றம் தெரியவந்தால் உரிய சட்ட நடவடிக்கை எடுக்கவேண்டும். புகாா்கள் மீது விரைவாகவும், உறுதியாகவும் நடவடிக்கை எடுக்கவேண்டும். மகளிா் காவலா்கள் புகாா்கள் விசாரணையில் சிறப்பு கவனம் செலுத்தவேண்டும் என காவல் அதிகாரிகளுக்கு அறிவுறுத்தினாா்.