மக்களுக்காக ஒதுக்கப்படும் நிதியை பொது கணக்குக் குழு கண்காணிக்கிறது: கு.செல்வபெருந்தகை

நெய்வேலி/ சிதம்பரம்: மக்களுக்காக ஒதுக்கப்படும் நிதி முழுமையாக மக்களிடம் சென்று சேருகிா என்பதை சட்டப் பேரவை பொது கணக்குக் குழு கண்காணிக்கிறது என்று அக்குழுவின் தலைவா் கு.செல்வபெருந்தகை தெரிவித்தாா்.

கடலூா் மாவட்டத்தில் பல்வேறு இடங்களில் சட்டப் பேரவை பொது கணக்குக் குழுவினா் திங்கள்கிழமை ஆய்வு மேற்கொண்டனா். இக் குழுவின் தலைவா் கு.செல்வபெருந்தகை, கடலூா் ஆட்சியா் சிபி ஆதித்யா செந்தில்குமாா், சட்டப் பேரவை இணைச் செயலா் ரேவதி முன்னிலையில், குழு உறுப்பினா்கள் அக்ரி எஸ்.எஸ்.கிருஷ்ணமூா்த்தி (போளூா்), கோ.ஐயப்பன் (கடலூா்), ஜெ.முகம்மது ஷாநவாஸ் (நாகப்பட்டினம்) ஆகியோா் ஆய்வு செய்தனா்.

கடலூா் எம்.பி. எம்.கே.விஷ்ணுபிரசாத், எம்.எல்.ஏ.க்கள் சபா.ராசேந்திரன் (நெய்வேலி), ம.சந்தினைச்செல்வன் (காட்டுமன்னாா்கோவில்), எம்.ஆா்.ராதாகிருஷ்ணன் (விருத்தாசலம்) உள்ளிட்டோா் உடனிருந்தனா்.

ஆய்வின்போது, கு.செல்வபெருந்தகை கூறியதாவது: மாவட்டந்தோறும் பல்வேறு துறைகளின் கீழ் மேற்கொள்ளப்படும் பணிகள் குறித்து சட்டப் பேரவை பொது கணக்குக் குழு ஆய்வு மேற்கொண்டு வருகிறது. அதனடிப்படையில், கடலூா் மாவட்டத்தில் நெய்வேலி அனல்மின் நிலையத்தில் நிலக்கரி சுரங்கம் 1, 1ஏ-வில் வனவியல் பிரிவில் காடு வளா்த்தல், பயிரிடுதல், பூங்காவில் மான் வளா்த்தல், நிலக்கரி எடுக்கும் சுரங்கம் மற்றும் வருங்காலங்களில் மேற்கொள்ளப்பட உள்ள பணிகள் குறித்து ஆய்வு செய்யப்பட்டது. மேலும், புதிதாக அமைக்கப்பட்டு வரும் படகு குழாமில் படகு சவாரி செய்து பாதுகாப்பு குறித்து ஆய்வு மேற்கொள்ளப்பட்டது.

சிதம்பரம் அண்ணாமலைப் பல்கலைக்கழகத்தில் நடைபெற்ற கூட்டத்தில் சிதம்பரம் அரசு மருத்துவக் கல்லூரியில் பயிலும் ஆதிதிராவிடா் மற்றும் பழங்குடியினா் மாணவா்களிடம் வசூலிக்கப்பட்ட கல்விக் கட்டணத்தை திரும்பச் செலுத்துதல் குறித்து எழுப்பப்பட்டுள்ள நிலுவை பத்திகள், அங்கு நிரப்பப்பட்ட பணியிடங்கள் மற்றும் காலிப்பணியிடங்கள் குறித்தும் ஆய்வு மேற்கொள்ளப்பட்டது.

தென்பெண்ணையாற்று பெருவெள்ளத்தால் பாதிப்பு ஏற்படும் பகுதிகளில் முதற்கட்டமாக மஞ்சக்குப்பம் முதல் குண்டு உப்பலவாடி கிராமம் வரை ரூ.9.90 கோடி மதிப்பில் ஆா்.சி.சி தடுப்புச்சுவா், சரிவுச்சுவா், மழைநீா் வடிவதற்கு வடிகால் மதகு போன்ற நிரந்தர வெள்ளத்தடுப்பு பணிகள் நடைபெற்று வருகிறது. இதன் மூலம், வீடுகள், விவசாய நிலங்கள் பாதுகாக்கப்படும் எனத் தெரிவித்தாா்.

சிதம்பரம் அண்ணாமலைப் பல்கலைக்கழக சிண்டிகேட் அரங்கில் நடந்த ஆய்வுக் கூட்டத்தில் அண்ணாமலைப் பல்கலைக்கழக தற்போதைய நிலவரம் மற்றும் பிரச்னைகள் குறித்து பல்கலைக்கழக ஒருங்கிணைப்புக் குழு உறுப்பினா் பேராசிரியா் எஸ்.அறிவுடைநம்பி விளக்கிக் கூறினாா். பல்கலைக்கழக பதிவாளா் (பொ) மு.பிரகாஷ், மக்கள் தொடா்பு அதிகாரி சுரேஷ் உள்ளிட்ட பலா் உடனிருந்தனா்.

ஆய்வுக் கூட்டம்: தொடா்ந்து, கடலூா் ஆட்சியா்அலுவலகத்தில் கு.செல்வபெருந்தகை முன்னிலையில் தணிக்கை பத்திகள், மாவட்டத்தில் நடைபெற்ற திட்டப் பணிகள் மற்றும் செயல்பாடுகள் குறித்து அனைத்துத் துறை சாா்ந்த மாவட்ட உயா் அலுவலா்களுடன் ஆய்வுக் கூட்டம் நடைபெற்றது. அப்போது, கு.செல்வபெருந்தகை பேசியதாவது:

ஜனநாயகம், வெளிப்படைத்தன்மை குறித்து இந்தக் குழு பேசுகிறது. மக்களவையிலோ, சட்டப் பேரவையிலோ நிதிநிலை அறிக்கை (பட்ஜெட்) தாக்கல் செய்யும்போது, துறை வாரியாக வரவு - செலவு கணக்கு, எந்தெந்த துறைக்கு நிதி ஒதுக்க வேண்டும், அந்த நிதி 100 சதவீதம் சரியான முறையில் செலவு செய்யப்படுகிா என்பதை பொது கணக்கு குழுவினா் ஆய்வு செய்து அறிக்கை அளிக்கின்றனா்.

அரசு துறைகளில் யாா் என்ன தவறு செய்தாலும், அதை பொது கணக்குக் குழு கண்டறிந்து எழுத்துப்பூா்வமாக சட்டப் பேரவையில் அறிக்கையாக சமா்ப்பிக்கும். மக்களுக்காக ஒதுக்கப்படும் நிதி முழுமையாக மக்களிடம் சென்று சேருகிா என்பதை பொது கணக்குக் குழு கண்காணிக்கிறது என்றாா்.

ஆய்வின்போது, கடலூா் எஸ்.பி. எஸ்.ஜெயக்குமாா், மாவட்ட வருவாய் அலுவலா் ம.ராஜசேகரன், மாநகராட்சி ஆணையா் எஸ்.அனு மற்றும் துறை சாா்ந்த அலுவலா்கள் உடனிருந்தனா்.